قازاقستان دارىگەرلەرى ايتۆ-ينفەكتسياسىن ەمدەۋ تيىمدىلىگىن ارتتىرۋدا ايتارلىقتاي تابىستارعا قول جەتكىزىپ وتىر دەۋگە نەگىز بار, دەپ جازادى Egemen.kz.
قازىرگى تاڭدا ەلىمىزدە انتيرەتروۆيرۋستىق تەراپيا قابىلداپ جۇرگەن ايتۆ- احۋالدى ادامداردىڭ 93 پايىزىندا ۆيرۋس ازايعان. مۇنىڭ بارلىعى مەملەكەتتىك, حالىقارالىق جانە ۇكىمەتتىك ەمەس ۇيىمداردىڭ بىرلەسكەن جۇمىسىنىڭ ارقاسىندا جۇزەگە اسىپ وتىر.
بۇگىن, 1 جەلتوقسان - دۇنيەجۇزىلىك ايتۆ-عا قارسى كۇرەس كۇنىنە وراي, يۋنەيدس ۇرانىمەن وتكەن «قيىندىقتاردان – وزگەرىستەرگە: ايتۆ-عا جاۋاپ» ناۋقانىنىڭ ناتيجەلەرى جاريا بولدى.
ەلدە ايتۆ-ينفەكتسياسىنىڭ الدىن الۋ, تەستىلەۋ, ەمدەۋ مەن كۇتىم شارالارىن قامتاماسىز ەتۋگە باعىتتالعان يۋنەيدس 95-95-95 ستراتەگياسى دا جالعاسىن تاۋىپ وتىر. قازىر ايتۆ-مەن ءومىر سۇرەتىندەردىڭ 85 پايىزى ءوز احۋالىن بىلەدى, ونىڭ 92 پايىزى انتيرەتروۆيرۋستىق تەراپيا قابىلداسا, ال 93 پايىزىندا ۆيرۋس اۋىرتپالىعى تومەندەگەن.وسى ورايدا قازىر قازاقستاندا «ب=ج» قاعيداتى قولدانىلاتىنىن, «بەيمالىم = جۇقتىرمايدى» قاعيداسىنا سايكەس, انتيرەتروۆيرۋستىق تەراپيانى قابىلدايتىن ءارى ۆيرۋسى ازايعان ادام ءوزىنىڭ جىنىستىق سەرىگىنە ۆيرۋس جۇقتىرمايدى. بۇل تۇجىرىم الەمدىك عىلىمي زەرتتەۋلەرمەن تولىق راستالعان.
– بيىل قازاقستان رەسپۋبليكاسى دەنساۋلىق ساقتاۋ مينيسترلىگى ايتۆ-ينفەكتسياسى كەزىندە مەديتسينالىق كومەك كورسەتۋ ستاندارتىن بەكىتكەن ەدى. قۇجات ايتۆ-احۋالدى ادامدارعا كورسەتىلەتىن مەديتسينالىق قىزمەتتەردىڭ ساپاسىن, قولجەتىمدىلىگى مەن ۇزدىكسىزدىگىن ارتتىرۋ الدىن الۋ شارالارىن جەتىلدىرۋگە باعىتتالعان. قازاقستاندا دسۇ ۇسىنعان 12 پروفيلاكتيكالىق باعدارلاما باعىتتارىنىڭ بارلىعى ەنگىزىلگەن. الدىن الۋ ستراتەگياسىنداعى نەگىزگى يننوۆاتسيا – بايلانىسقا تۇسكەنگە دەيىنگى پروفيلاكتيكانى ەنگىزۋ. بۇگىنگى كۇنى ونى 13 مىڭنان استام ادام قابىلدايدى, – دەيدى قر دسم دەرماتولوگيا جانە ينفەكتسيالىق اۋرۋلار عىلىمي ورتالىعىنىڭ ديرەكتورى روزا قۋانىشبەكوۆا.
ەڭ باستىسى ەلىمىزدە انتيرەتروۆيرۋستىق تەراپيا تەگىن. ءتيىستى پرەپاراتتار دياگنوز قويىلعاننان كەيىن ناۋقاستارعا دەرەۋ تاعايىندالىپ, تەگىن بەرىلەدى. قازىر پاتسيەنتتەردىڭ 90 پايىزى قۇرامىندا دولۋتەگراۆيرى بار ەم-دومدى قابىلدايدى, ونى دسۇ ارت-نىڭ ءتيىمدى پرەپاراتى رەتىندە ۇسىنعان. بۇل پرەپارات ۆيرۋس جۇكتەمەسىن تەز ءارى تۇراقتى تومەندەتۋگە مۇمكىندىك بەرەدى.
الداعى 2026 جىلى ۇلتتىق باعدارلامالارعا ايتۆ-مەن ءومىر سۇرەتىن ادامداردىڭ ينەكتسيالىق پرەپاراتتارعا قولجەتىمدىلىگىن قامتاماسىز ەتىپ, يننوۆاتسيالىق لەناكاپاۆيردى ەنگىزۋ كوزدەلىنىپ وتىر. ال دسۇ لەناكاپاۆيردى «ۆاكتسيناعا ەڭ جاقىن» ەم-دوم دەپ ەسەپتەيدى. سەبەبى ونىڭ تيىمدىلىگى جوعارى جانە جىلىنا ەكى عانا ينەكتسياسى ارقىلى جاڭا ينفەكتسيا دەڭگەيىن راديكالدى تۇردە تومەندەتىپ, الدىن الاتىن قۇرال رەتىندە قىزمەت ەتە الادى.
سونىمەن سوڭعى جەتى جىلدا قازاقستاندا اتقارىلعان جۇمىستاردىڭ ناتيجەسىندە ايتۆ سالدارىنان بولاتىن ءولىم-ءجىتىم ازايىپ, جۇقتىرۋ دەڭگەيى تومەندەگەنى بايقالادى.
قازىر قولدانىلىپ جاتقان ايتۆ-عا قارسى ەپيدەميالىق شارالاردىڭ ناتيجەسىندە 15–49 جاس ارالىعىنداعىلار اراسىندا ايتۆ-ينفەكتسياسىنىڭ تارالۋ دەڭگەيى 0,3 پايىز بولسا, شوعىرلانعان ساتىداعى الەمدىك ورتاشا كورسەتكىش – 0,7 پايىز.
ال ەرتەڭ, 2 جەلتوقساندا الماتىدا «ايتۆ: كەشە, بۇگىن, ەرتەڭ» اتتى حالىقارالىق عىلىمي-تاجىريبەلىك كونفەرەنتسيا وتپەك, بۇل جيىندا ايتۆ-نى الدىن الۋ مەن ەمدەۋدەگى جەتىستىكتەر, قيىندىقتارى مەن يننوۆاتسيالار تالقىلانادى.