79 جاسىندا قازاقستاننىڭ حالىق ءارتىسى, كورنەكتى ونەر قايراتكەرى ريحانگۇل ماحپيروۆا ومىردەن ءوتتى, دەپ جازادى Egemen.kz.
ونىڭ شىعارماشىلىق جولى قۇدىس قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترىندا 1977 جىلى باستالعان. كوپ جىلدىق ەڭبەگى بارىسىندا ول قازاق تەاتر ونەرىنىڭ التىن قورىنا ەنگەن سان الۋان كوركەم, ايشىقتى جانە ەستە قالارلىق بەينەلەردى جاسادى.
مادەنيەت سالاسىنا سىڭىرگەن زور ەڭبەگى ءۇشىن ريحانگۇل ماحپيروۆا قازاقستان رەسپۋبليكاسىنىڭ ەڭبەك سىڭىرگەن ءارتىسى جانە قازاقستاننىڭ حالىق ءارتىسى اتاقتارىمەن ماراپاتتالعان.
قر مادەنيەت جانە اقپارات مينيسترلىگى مارقۇمنىڭ وتباسى مەن جاقىندارىنا, ونەرسۇيەر قاۋىمعا قايعىرا كوڭىل ايتادى.
- ەل تانىمال ونەر قايراتكەرىنەن ايىرىلدى. مارقۇمنىڭ جارقىن بەينەسى جۇرەكتەردە ماڭگى ساقتالادى, - دەلىنگەن ۆەدومستۆو اقپاراتىندا.