قازاقستاننىڭ ازاماتتىق اۆياتسيا كوميتەتى Airbus اۋە كەمەلەرىندەگى باعدارلامالىق قامتاماسىز ەتۋدى جاڭارتۋ جۇمىستارى 29 قاراشا كۇنى تولىق اياقتالاتىنىن حابارلادى.
ۆەدومستۆونىڭ مالىمەتىنشە, ساعات 15:00-دەگى جاعداي بويىنشا 23 اۋە كەمەسىندە جاڭارتۋ ورىندالعان, ال قالعان 8 ۇشاقتا (اقتاۋدا – 1, استانادا – 3, الماتىدا – 4) جۇمىس جوسپارلى تۇردە ءجۇرىپ جاتىر جانە بۇگىن اياقتالادى.
جالپى باقىلاۋدا 38 Airbus اۋە كەمەسى تۇر. ونىڭ ىشىندە:
– 5 ۇشاققا جاڭارتۋ قاجەت ەمەس;– 2 اۋە كەمەسى C-Check تەحنيكالىق تەكسەرىسىندە.
استانا جانە الماتى حالىقارالىق اۋەجايلارى شتاتتىق رەجيمدە جۇمىس ىستەپ, رەيستەر كەستە بويىنشا ورىندالۋدا.
«رەيستەردىڭ كەشىگۋى جاعدايىندا جولاۋشىلارعا كومەك كورسەتۋ ءۇشىن تاۋلىك بويى جۇمىس ىستەيتىن كولل-ورتالىق ىسكە قوسىلدى», – دەپ حابارلادى ااك.
رەيستەردىڭ مارتەبەسىن جولاۋشىلار مىنا نومىرلەر ارقىلى بىلە الادى:
Air Astana: +7 727 244 44 77, +7 717 258 44 77, +7 702 702 44 77 FlyArystan: +7 727 331 10 10 (WhatsApp: +7 702 702 02 27) SCAT: +7 7252 99 88 80 Qazaq Air: +7 727 356 14 14 قازاقستان اۆياتسيالىق اكىمشىلىگى: +7 7172 79 82 13 استانا اۋەجايى: +7 7172 70 29 99 الماتى اۋەجايى: +7 727 228 00 19جولاۋشىلارعا رەيستەردىڭ جاڭارتىلعان مارتەبەسىن اۆياكومپانيالاردىڭ رەسمي سايتتارىنان الدىن الا تەكسەرۋ ۇسىنىلادى.