اباي وبلىسىنىڭ پوليتسيا دەپارتامەنتى iPhone يەلەرىنە ينتەرنەت الاياقتىقتىڭ قاۋپى تۋرالى ەسكەرتتى. الاياقتار Apple اتىنان جالعان SMS نەمەسە iMessage حابارلامالارىن جىبەرىپ, لوگين مەن قۇپياسوزدى قولدى ەتۋى مۇمكىن, دەپ جازادى Egemen.kz.
كيبەرقىلمىسكەرلەر Apple اتىنان كەلگەندەي كورىنەتىن جالعان SMS نەمەسە iMessage حابارلامالارىن جىبەرىپ جاتىر. حابارلاماعا فيشينگتىك سىلتەمە قوسا بەرىلەدى. ىشىندە iPhone-نىڭ مودەلى, ءتۇسى جانە جاد كولەمى كورسەتىلىپ, حابارلامانىڭ شىنايى ەكەنىنە سەندىرەتىندەي اسەر قالدىرادى.
سىلتەمەگە وتكەن سوڭ پايدالانۋشى Apple Find My سەرۆيسىنە ۆيزۋالدى ۇقساس جالعان پاراقشاعا تۇسەدى. ول Apple ID لوگينى مەن ءپارولىن الاياقتارعا جولدايدى.
بۇل دەرەكتەر قاسكويلەرگە iPhone-نىڭ اكتيۆاتسيا قۇلپىن اينالىپ ءوتىپ, قۇرىلعىعا جانە جەكە اقپاراتقا قول جەتكىزۋگە مۇمكىندىك بەرەدى.
پوليتسيا قىزمەتكەرلەرى الاياقتىقتىڭ بۇل ءتۇرى كەڭ تارالا باستاعانىن ەسكەرتىپ, قولدانۋشىلارعا تومەندەگىدەي كەڭەس بەرەدى:
كۇمان تۋدىراتىن سىلتەمەلەرگە وتپەڭىز; جوعالعان قۇرىلعىنىڭ بلوكتاۋ ەكرانىندا بايلانىس اقپاراتىڭىزدى كورسەتۋ قاجەت بولسا, ول ءۇشىن بولەك ەلەكتروندىق پوشتا مەكەنجايىن قولدانىڭىز; SIM كارتاعا قول جەتكىزۋدى قيىنداتۋ ءۇشىن PIN-كود قويىڭىز; قۇرىلعىنى تەك icloud.com/find ارقىلى تەكسەرىڭىز.