نيۋ-يورك بيلىگى جىلدامدىق رەجيمىن ساقتامايتىن جۇرگىزۋشىلەرگە Stop Super Speeders Act دەپ اتالاتىن زاڭناما دايىنداپ جاتىر. قۇجاتتا كولىككە GPS ارقىلى جولداعى رۇقسات ەتىلگەن جىلدامدىقتى انىقتايتىن جانە ونى باعدارلاما كومەگىمەن ساعاتىنا 5 ميلدەن (8 كم/ساع) اسىرمايتىن ارنايى قۇرىلعى ورناتۋ تۋرالى جازىلعان, دەپ حابارلايدى Egemen.kz.
بۇل شارا 24 ايدا كەمىندە 11 ايىپپۇل العان نەمەسە ءبىر جىل ىشىندە جىلدامدىقتى اسىرىپ, باعدارشامنىڭ قىزىل ءتۇسىن ەلەمەي, بەينەباقىلاۋعا 16 رەت تۇسكەندەرگە قولدانىلادى.
كولىك يەسى قۇرىلعىنى وز قاراجاتىنا ورناتادى, ول شامامەن 520 مىڭ تەڭگە تۇرادى.
زاڭ شىعارۋشى ورگان شتات گۋبەرناتورى بۇل قۇجاتتى ماقۇلداسا, پوليتسيا 3000-4000 تۇرعىننىڭ جىلدامدىعىن شەكتەيتىنىن ايتتى.
بۇل امەريكاداعى شەنەۋنىكتەردىڭ العاشقى باستاماسى ەمەس. بىلتىر ءدال وسىنداي شارا ۆاشينگتوندا, كولۋمبيا وكرۋگىندە تالقىعا تۇسكەن. ولار ۇسىنعان جازا بۇدان قاتاڭ. ءتارتىپ ساقشىلارى ءبىرىنشى رەت ەرەجە بۇزعان تۇرعىننىڭ كولىگىنە شەكتەۋىش ورناتپاق بولعان.