تۇركىستان وبلىسىندا مەملەكەت باسشىسىنىڭ باستاماسىمەن «كەلەشەك مەكتەپتەرى» ۇلتتىق جوباسى بەلسەندى تۇردە جۇزەگە اسىرىلۋدا. ماقسات – ەلىمىزدىڭ بارلىق وڭىرىندەگى بالالارعا تۇراتىن جەرىنە قاراماستان ساپالى ءبىلىم الۋعا تەڭ مۇمكىندىك جاساۋ, دەپ جازادى Egemen.kz.
بيىلعى وقۋ جىلى تۇركىستان وبلىسى ءۇشىن ايرىقشا جاڭالىققا تولى بولدى. ءدال وسى «كەلەشەك مەكتەپتەرى» ۇلتتىق جوباسى اياسىندا وڭىردە ءبىر مەزەتتە 8 جاڭا مەكتەپ پەن 2 جالپى ورتا ءبىلىم وشاعى ءوز ەسىگىن ايقارا اشتى. ماسەلەن, تولە بي اۋدانىنىڭ دوستىق اۋىلىندا 900 ورىندىق, ال سايرام اۋدانىنىڭ اقسۋ اۋىلىندا 600 ورىندىق جاڭا مەكتەپتەر اشىلدى. بۇدان بولەك, شاردارا, ساۋران, كەلەس, سارىاعاش, ورداباسى اۋداندارى مەن ارىس قالاسىندا دا جاڭا وقۋ وشاقتارى ىسكە قوسىلدى.
بۇل – حالىق سانى قارقىندى ءوسىپ كەلە جاتقان ءوڭىر ءۇشىن اسا ماڭىزدى قادام. تۇركىستان وبلىسى ءبىلىم باسقارماسى باسشىسىنىڭ مىندەتىن اتقارۋشى عالىمجان ورىنوۆ ۇلتتىق جوبانىڭ ۇستازدار مەن وقۋشىلارعا جاسالعان جايلى مۇمكىندىگىن العا تارتىپ, مەملەكەت باسشىسىنىڭ باستاماسىنىڭ ماڭىزدىلىعىنا ايرىقشا توقتالدى.
ء“بىلىم – ەل بولاشاعىنىڭ التىن دىڭگەگى. سوڭعى جىلدارى مەملەكەتىمىزدە ءبىلىم بەرۋ سالاسىن دامىتۋعا ايرىقشا نازار اۋدارىلىپ كەلەدى. سونىڭ ناقتى ايعاعى – «كەلەشەك مەكتەپتەرى» ۇلتتىق جوباسى. بۇل تەك عيماراتتار تۇرعىزۋ ەمەس, ەڭ الدىمەن ساپالى ءبىلىم بەرۋدىڭ جاڭا جۇيەسىن قالىپتاستىرۋعا باعىتتالعان كەشەندى رەفورما.تۇركىستان وبلىسىندا ءبىر مەزەتتە 8 جاڭا مەكتەپتىڭ اشىلۋى – وسى باستامانىڭ ناقتى ناتيجەسى. بۇل – تەك ءوڭىر ءۇشىن عانا «كەلەشەك مەكتەپتەرى» ۇلتتىق جوباسى مەكتەپ سالۋمەن شەكتەلەتىن ينفراقۇرىلىمدىق باعدارلاما ەمەس. بۇل ەڭ الدىمەن قۇندىلىقتىق تۇرعىدان جاڭا ءبىلىم بەرۋ فيلوسوفياسىن قالىپتاستىرۋدى ماقسات ەتەتىن كەشەندى باستاما”
جوبا اياسىندا تۇركىستان وبلىسىندا 46 مىڭ وقۋشىعا ارنالعان جالپى سانى 29 مەكتەپتىڭ قۇرىلىسى جۇرگىزىلدى. ونىڭ 13-ءى وتكەن وقۋ جىلىندا قولدانىسقا بەرىلسە, بيىلعى جاڭا 2025-2026 وقۋ جىلىندا 16 مەكتەپ (جوبالىق قۋاتى - 9900) جوسپارلاندى. بيىلعى جاڭا وقۋ جىلىنان بەرى تاعى 11 مەكتەپ اشىلدى. جىل سوڭىندا دەيىن 5 كەلەشەك مەكتەپ ەل يگىلىگىنە بەرىلەدى.
ال, بالا تولىمدىلىعى تۋرالى توقتالار بولساق, 24 مەكتەپتىڭ (2024 جىلى پايدالانۋعا بەرىلگەن 13 مەكتەپتىڭ جانە 2025-2026 وقۋ جىلىندا وقىتۋدا باستاعان 11 مەكتەپتىڭ) بالا تولىمدىلىعى - 95% قۇرادى. بۇگىندە «كەلەشەك مەكتەپتەرگە» بالا تولىمدىلىعىن 100%-عا جەتكىزۋ باعىتىندا جۇمىستار اتقارىلۋدا.
بۇل – دەموگرافيالىق ءوسىم مەن ۋربانيزاتسيا ۇدەرىستەرىن ەسكەرە وتىرىپ, ءبىلىم ينفراقۇرىلىمىن دامىتۋعا باعىتتالعان ۇزاق مەرزىمدى ساياساتتىڭ ناقتى ناتيجەسى. سونىمەن قاتار جوبا پەداگوگ كادرلاردى دايارلاۋ مەن قايتا دايارلاۋعا, تسيفرلىق ءبىلىم رەسۋرستارىن ەنگىزۋگە, قاۋىپسىز ءارى ينكليۋزيۆتى ءبىلىم بەرۋ ورتاسىن قۇرۋعا جانە اۋىل مەن قالا بالالارىنا تەڭ مۇمكىندىك بەرۋگە باسىمدىق بەرەدى.
بۇگىندە تۇركىستان وبلىسى – حالىق سانى ەڭ جىلدام ءوسىپ كەلە جاتقان ايماقتاردىڭ ءبىرى. مالىمەتكە سايكەس, قازىرگى تاڭدا 1–11 سىنىپ ارالىعىندا 500 مىڭنان استام وقۋشى ءبىلىم الۋدا. بۇل كورسەتكىش جىل سايىن شامامەن 5–7 پايىزعا ارتىپ كەلەدى.
جاڭا مەكتەپتەر سالۋ – ۋاقىت تالابى. ول مەكتەپ تاپشىلىعىنىڭ الدىن الۋعا, سىنىپتاعى وقۋشىلار سانىن ازايتۋعا, ەڭ باستىسى, ءبىلىم ساپاسىن ارتتىرۋعا مۇمكىندىك بەرەدى. «كەلەشەك مەكتەپتەرى» – ەلدىڭ ەرتەڭىن ويلاعان ستراتەگيالىق باستاما. ونىڭ باستى ماقساتى – ءاربىر قازاقستاندىق بالاعا ساپالى ءبىلىم الۋعا قولايلى جاعداي جاساۋ. تۇركىستان وبلىسىندا اشىلعان 8 جاڭا مەكتەپ – وسى باستامانىڭ ومىرشەڭدىگىن دالەلدەيتىن ناقتى ناتيجەلەردىڭ ءبىرى