الماتىدا كاسىپكەر, «تەندەر بيرجاسى» جشس باسشىسى شىڭعىس قۇرمانعاليەۆ الاياقتىق ءىسى بويىنشا قاماۋعا الىندى, دەپ جازادى Egemen.kz.
Kazinform اگەنتتىگى تىلشىسىنە بۇل تۋرالى الماتى پوليتسيا دەپارتامەنتى راستادى.
ۆەدومستۆونىڭ رەسمي وكىلىنىڭ مالىمەتىنشە, قىلمىستىق كودەكسىنىڭ 190-بابى 3-بولىگى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.
كۇدىكتى قازىر الماتىداعى ۋاقىتشا ۇستاۋ يزولياتورىنا قاماۋدا وتىر.
«سوتتىڭ شەشىمىمەن وعان قاماۋعا الۋ تۇرىندەگى بۇلتارتپاۋ شاراسى تاڭدالدى. باسقا مالىمەتتەر قىلمىستىق-پروتسەستىك كودەكسىنىڭ 201-بابى تالاپتارىنا سايكەس جاريا ەتىلمەيدى», دەلىنگەن حابارلامادا.