سولتۇستىك قازاقستان وبلىسىندا پوليتسيا دەپارتامەنتى ءباسپاسوز قىزمەتىنىڭ وكىلى يۋري كلىكوۆتىڭ ايتۋىنا قاراعاندا سوڭعى 6 كۇندە 1400 رەت جول ءتارتىبى بۇزىلعان. بۇل كۇنىنە 233 رەت ءتارتىپ بۇزىلعان دەگەن ءسوز دەپ حابارلايدى Egemen.kz.
تۇرعىندارىنىڭ جالپى سانى 500 مىڭنان ءسال عانا اساتىن وبلىستا وسىنشا ءتارتىپ بۇزۋشىنىڭ بولعانى شەكتەن شىققان جاعداي ەكەنى كورىنىپ تۇر.
يۋ.كلىكوۆ بۇل دەرەكتەر التى كۇنگە سوزىلعان «زاڭ جانە ءتارتىپ» ۇستانىمىن بەكىتۋ ماقساتىمەن «قاۋىپسىز جول» رەسپۋبليكالىق شاراسىن جۇرگىزۋ بارىسىندا انىقتالعانىن جەتكىزدى. ءتارتىپ بۇزۋشىلار اراسىندا 18 جۇرگىزۋشىنىڭ ىشىمدىك ءىشىپ الىپ ماشينا جۇرگىزگەنى ءمالىم بولعان. شارا بارىسىندا وبلىس اۋماعىنداعى 155 اۆتوپاترۋلدەر مەن بەكەتتەردە 672 پوليتسيا قىزمەتكەرى رەيد جۇرگىزگەن.
سونىمەن قاتار رەيدتە ينتەرنەت ارقىلى اپپاراتتىق-باعدارلامالىق كەشەندەرمەن, «كيبەرشەريف» ءموبيلدى كەشەنى جانە پيلوتسىز ۇشۋ اپپاراتتارىمەن «جاسىرىن پاترۋلدەۋ» جاسالعان. ارينە, جول ءتارتىبىن بۇزۋشىلىقتىڭ نەگىزگى بولىگى رولدە بارا جاتىپ قالتافونمەن سويلەسۋ (124), قاۋىپسىزدىك بەلدىگىن تاقپاۋ (234), جاياۋلاردىڭ ءتيىستى جەردەن وتپەۋى (180) سياقتىلار.
ەسەپكە ەنگىزگەندە وسىنىڭ ءبارى جول ءتارتىبىن بۇزۋ بولىپ شىعا كەلگەن.
سولتۇستىك قازاقستان وبلىسى