2025 جىلى الەمدەگى جالپى مەملەكەتتىك قارىز شامامەن 111 تريلليون اقش دوللارىن قۇرايدى. بۇل كورسەتكىش 2024 جىلمەن سالىستىرعاندا 8,3 ترلن دوللارعا وسكەن, دەپ حابارلايدى Egemen.kz.
اقش-تىڭ مەملەكەتتىك قارىزى شامامەن 38 ترلن اقش دوللارىن, ول ەلدىڭ ءجىو‑سىنىڭ 125 %-ىن قۇرايدى. قىتايدىڭ قارىزى – 18,7 ترلن دوللار, بۇل ءوسىمنىڭ نەگىزگى سەبەبى – مەملەكەتتىك ىنتالاندىرۋ شارالارى مەن جەر ساتىلىمدارىنان تۇسەتىن تابىستىڭ تومەندەۋى, اسىرەسە تۇرعىن ءۇي سەكتورىنداعى ماسەلەلەرگە بايلانىستى.
قىتايلىق ماكاو (0,0%) جانە ليحتەنشتەين (0,5%) دەرلىك نولدىك بورىشقا يە. ال, جاپونيا (229,6%) جانە سۋدان (221,5%) ءجىو-دەن بىرنەشە ەسە اسىپ تۇسەتىن دەڭگەيدە. جاپونيانىڭ بورىشى حالىقتىڭ قارتايۋى مەن ونجىلدىق فيسكالدىق ىنتالاندىرۋ شارالارىنان تۋىنداپ وتىر.
سينگاپۋردا ءجىو-گە قاتىستى بورىش – 175,6%, بىراق بۇل بيۋدجەت تاپشىلىعىمەن ەمەس, ينۆەستيتسيالاۋ جانە ىشكى قارجى اعىندارىن باسقارۋ ماقساتىندا الىنعان. ناتيجەسىندە, نومينالدى بورىش ۇلكەن بولسا دا, ول قۇنى قارىزدان ارتىق اكتيۆتەرمەن قامتاماسىز ەتىلگەن.
جوعارى بورىشى بار باسقا ەلدەرگە گرەكيا (146,7%), باحرەين (142,5%), يتاليا (136,8%), مالديۆ (131,8%), اقش (125%), سەنەگال (122,9%), فرانتسيا (116,5%) كىرەدى.
ال, قازاقستاننىڭ مەملەكەتتىك بورىشى – 74,4 ملرد دوللار, ءجىو-گە قاتىناسى – 24,8%. ەلىمىز 25-ءشى ورىندا تۇر.
وزبەكستاندا جانە قىرعىزستاندا مەملەكەتتىك بورىش دەڭگەيى جوعارى: تيىسىنشە 31,1% جانە 37,8%. رەسەيدىڭ مەملەكەتتىك بورىشى – 586,9 ملرد دوللار, ال, وڭىردەگى مەملەكەتتىك بورىش دەڭگەيى ءجىو-ءنىڭ 40%-ىنان اسپايدى, بۇل الەمدىك ستاندارت بويىنشا ورتاشا دەڭگەيگە سايكەس.