OpenAI ەندى پايدالانۋشىلارعا ChatGPT ىشىندە توپ بولىپ سويلەسۋگە جول اشتى. بۇل قىزمەت دوستاردىڭ, ارىپتەستەردىڭ, ءتىپتى وتباسىنىڭ ورتاق چاتتا جينالىپ, وي بولىسۋىنە, جوسپار قۇرۋىنا جانە قۇجات دايىنداۋىنا ىڭعاي جاسايدى, دەپ جازادى Egemen.kz.
جۇيە قاراپايىم. ءبىر توپتا 20 ادامعا دەيىن وتىرۋعا بولادى. ءار ادامنىڭ جەكە باپتاۋلارى سول كۇيى ساقتالىپ, وزگەلەرگە كورىنبەيدى. توپقا شاقىرۋ ارقىلى قوسىلادى. جاڭا چات اشقىڭىز كەلسە, «ادامدار» بەلگىسىن باساسىز نەمەسە سىلتەمە جىبەرەسىز. قاتىسۋشىلار ءوز اتى مەن سۋرەتىن قويىپ, شاعىن پروفيل جاساپ الادى.
قىزىعى, قولدانىستاعى چاتقا جاڭا ادام قوسىلسا, جۇيە ونى بولەك اڭگىمەگە شىعارادى. بۇرىنعى چات سول كۇيى ساقتالادى. ChatGPT توپتا نە بولىپ جاتقانىن باقىلاپ, ارالاسپايدى. ەگەر ناقتى جاۋاپ كەرەك بولسا, قاتىسۋشىلار ChatGPT دەگەن بەلگىنى قويادى.
«توپتىق چاتتار ChatGPT جۇيەسىن ادامدار بىرىگىپ جۇمىس ىستەيتىن كەڭىستىككە اينالدىرۋدىڭ العاشقى قادامى», دەدى OpenAI.