«ءوزىنىڭ ءۇيى ەمەس»: دەپۋتات قىزمەتتىك پاتەرى تۋرالى مالىمدەمە جاسادى

5 قاراشادا دەپۋتاتتىڭ جۇبايى ادەل ءادىلوۆا Instagram پاراقشاسىنا قىزمەتتىك باسپاناسىن تانىستىرىپ ۆيدەو جاريالاعان. وسىدان كەيىن كوپتەگەن قولدانۋشى «ولار بۇل ۇيدە تۇرمايدى» دەپ پىكىر جازعان.

كەيىنىرەك جۇبايلار ارنايى ۆيدەوۇندەۋ جاساپ, وتباسىلىق ءومىرى مەن كۇندەلىكتى تىرشىلىگى تۋرالى ايتتى.

«الدىڭعى Reels كوپ قارالدى. ءبىزدى «بۇل دەپۋتاتتىڭ ءۇيى ەمەس» دەپ سىنعا الدى. مىنە, كورىپ تۇرسىزدار,  سول ديۆان, سول شكاف. ءبىزدى كىشكەنتايىمىزدان وتىرىك ايتپاۋعا, شىندىقتى عانا ايتۋعا ۇيرەتتى», دەدى دەپۋتات بەينەروليكتە. ء«يا, ءبىز وسى ۇيدە تۇرامىز. ال حەيتكە سابىرمەن قارايمىز. كوپ ازاماتتىڭ «دەپۋتاتتىڭ ءۇيى» تۋرالى وزىندىك تۇسىنىگى بار. ءبىز تەك شىندىقتىڭ ءبىر بولىگىن كورسەتكىمىز كەلدى. سول شىندىق كەيبىرەۋگە جاقپاعان سياقتى. بولعانى وسى», دەدى ول.

دەپۋتاتتىڭ وتباسى

جۇبايلاردىڭ ايتۋىنشا, ولار 2016 جىلى تانىسقان. سول كەزدە ادەل ءادىلوۆا زاڭگەر قىزمەتىندە بولعان, ال باقىتجان بازاربەك قوعامدىق جۇمىستارمەن اينالىسىپ جۇرگەن.

دەپۋتاتتىڭ ايتۋىنشا, ولاردىڭ وتباسىندا مىندەتتەردىڭ ءبولىنىسى دەگەن جوق.

«بۇل – ءبىزدىڭ ءۇيىمىز. ءۇيدىڭ تازا, جايلى بولۋى ءۇشىن ارقايسىمىز ۇلەس قوسۋىمىز كەرەك. سوندىقتان پارلامەنتتەن كەلگەننەن كەيىن مەن دە ءۇي جينايمىن», دەدى ول.

باقىتجان بازاربەك تۋرالى

1981 جىلى تارازدا تۋعان. 2002 جىلى قازاق مەملەكەتتىك زاڭ ۋنيۆەرسيتەتىن «زاڭگەر» ماماندىعى بويىنشا تامامداعان. 2013 جىلى ماسكەۋدىڭ حالىقارالىق بيزنەc جوعارى مەكتەبى – MIRBIS-تە «مۇناي-گاز سالاسىنداعى ەكولوگيالىق مەنەدجمەنت» باعىتىندا MBA دارەجەسىن العان. سونداي-اق قۇقىق, ەكونوميكا جانە مەنەدجمەنت بويىنشا ماگيسترلىك بىلىمگە يە.