سولتۇستىك قازاقستاندا پرەزيدەنت كەڭەسشىسى مالىك وتارباەۆتىڭ جانە وبلىس اكىمى عاۋەز نۇرمۇحامەتوۆتىڭ قاتىسۋىمەن مەملەكەت باسشىسىنىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى جولداۋىن تالقىلاعان ءماجىلىس ءوتتى, دەپ حابارلايدى Egemen.kz.
مالىك وتارباەۆ اۋىلدىق ايماقتاردىڭ دامۋ پەرسپەكتيۆالارى تسيفرلىق وزگەرىستەرگە بايلانىستى ەكەنىن اتاپ ءوتتى. بۇگىندە وڭىردە 590 اۋىلدىق ەلدىمەكەن بولسا, سونىڭ 300-دەن ارتىعى پەرسپەكتيۆالى دەپ ەسەپتەلىپ وتىر. بۇلاردا اۋىل حالقىنىڭ 82 پايىزى تۇرادى.
مەملەكەتتىڭ قولداۋىمەن اۋىلدىق جەرلەردىڭ ءومىر ءسۇرۋ جاعدايى جاقسارىپ كەلەدى. قازىر اۋىلداردا جاڭا ۇيلەر, مەكتەپ, مەديتسينالىق مەكەمەلەر مەن سپورتتىق نىساندار سالىنىپ جاتىر. اگرارلىق كەشەندەردە تسيفرلانعان وزىق تەحنولوگيالار ەنگىزىلۋدە. مالىك وتارباەۆ ءوز سوزىندە تسيفرلاندىرۋدىڭ وسى زاماننىڭ وزەكتى تالابى ەكەنىن اتاپ, جولداۋدىڭ تاپسىرمالارىن ءسوزسىز ورىنداۋ ەلدىڭ دامۋىنا كەپىلدىك بەرەتىنىن ايتتى.