سوتتا الدىن الا ءسوز بايلاسۋ ارقىلى يانا لەگكوديموۆانى ءولتىردى دەپ ايىپتالعان سوتتالۋشىلارعا قاتىستى قىلمىستىق ءىس قارالىپ جاتىر, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
«سوت الدىندا ەكى تۇلعا وتىر, ولار كىسى ولتىرگەننەن كەيىن ءمايىتىن جانە تەلەفونىن وزەنگە تاستاعان. قۇقىق قورعاۋ ورگاندارىنا مارقۇمنىڭ دەنەسىن انىقتاۋ ءۇشىن 8 اي ۋاقىت قاجەت بولدى. الدىن الا جوسپارلانعان بۇل قىلمىس زورلىق-زومبىلىق قولدانۋ ارقىلى ىزدەردى جاسىرۋمەن, ەرەكشە قوعامدىق قاۋىپتىلىكپەن, سوتتالۋشىلاردىڭ ادام ولتىرگەننەن كەيىنگە سۋىققاندى جانە ادامگەرشىلىككە جات مىنەز-ق ۇلىق ارەكەتتەرىمەن سيپاتتالادى», دەلىنگەن حابارلامادا.
قىلمىستىق كودەكستىڭ 39-بابىنىڭ تالاپتارىنا سايكەس, جازا الەۋمەتتiك ادiلەتتiلiكتi قالپىنا كەلتiرۋ, سونداي-اق سوتتالعان ادامدى تۇزەۋ جانە سوتتالعان ادامنىڭ دا, باسقا ادامداردىڭ دا جاڭا قىلمىستىق قۇقىق بۇزۋشىلىقتار جاساۋىنىڭ الدىن الۋ ماقساتىندا قولدانىلادى.
باس پروكۋراتۋرا قازاقستان رەسپۋبليكاسىندا ەڭ قىمبات قازىنا – ادام جانە ادامنىڭ ءومىرى ەكەنىن ەسكە سالا وتىرىپ, كۇدىكتىلەرگە ەڭ جوعارعى جازا – ءومىر بويىنا باس بوستاندىعىنان ايىرۋ جازاسىن تاعايىنداۋدى سۇرادى.