«قاسىم-جومارت توقاەۆ پەن ۆلاديمير پۋتين جىلى قوشتاستى», دەپ جازىلعان حابارلامادا.
ۆنۋكوۆو اۋەجايىندا پرەزيدەنت قاسىم-جومارت توقاەۆتى رەسەي ۇكىمەتى توراعاسىنىڭ ورىنباسارى الەكسەي وۆەرچۋك پەن باسقا دا رەسمي تۇلعالار شىعارىپ سالدى.
ەسكە سالا كەتەيىك, قازاقستان پرەزيدەنتى قاسىم-جومارت توقاەۆ 11-12 قاراشا كۇندەرى رەسەيدە مەملەكەتتىك ساپارمەن بولدى. پرەزيدەنتتەر كەڭەيتىلگەن قۇرامدا كەلىسسوز وتكىزىپ, ورالداعى XXI وڭىرارالىق فورۋمعا بەينەبايلانىس ارقىلى قوسىلدى.
قاسىم-جومارت توقاەۆ پەن ۆلاديمير پۋتين كەلىسسوزدەر قورىتىندىسى بويىنشا قازاقستان رەسپۋبليكاسى مەن رەسەي فەدەراتسياسىنىڭ مەملەكەتارالىق قارىم-قاتىناسىن جان-جاقتى ستراتەگيالىق سەرىكتەستىك جانە وداقتاستىق دەڭگەيىنە دەيىن جەتكىزۋ جونىندەگى دەكلاراتسياعا قول قويدى.
مەملەكەت باسشىلارىنىڭ قاتىسۋىمەن بىرقاتار ۇكىمەتارالىق جانە ۆەدومستۆوارالىق قۇجاتتاردى الماسۋ ءراسىمى ءوتتى.
قازاقستان پرەزيدەنتى قاسىم-جومارت توقاەۆ پەن رەسەي باسشىسى ۆلاديمير ءپۋتيننىڭ بۇقارالىق اقپارات قۇرالدارىنا بىرلەسكەن مالىمدەمە جاسادى. سودان كەيىن قازاقستان ونەرپازدارىنىڭ گالا-كونتسەرتىنە باردى.