ەلوردادا قار كۇرەۋ جۇمىسى ۇزدىكسىز جالعاسىپ جاتىر. كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەۋدە, دەپ حابارلايدى Egemen.kz.
9 قاراشاعا قاراعان ءتۇنى كوممۋنالدىق قىزمەتتەر قالا اۋماعىنان 16 172 تەكشە مەتر قاردى ارنايى پوليگوندارعا 1 254 رەيسپەن جەتكىزدى.
قىس ماۋسىمى باستالعالى بەرى ەلوردادان 90 مىڭ تەكشە مەتردەن استام قار نەمەسە 7 284 جۇك كولىگىنە تەڭ كولەم شىعارىلدى.
قار تازالاۋ بارىسىندا الدىمەن نەگىزگى كوشە ماگيسترالدارى مەن قوعامدىق كولىك باعىتتارى تازارتىلىپ, كەيىن اۋلالار, الاڭدار, تروتۋارلار مەن ايالدامالاردا جۇمىس جۇرگىزىلەدى.
استانا اكىمدىگى قالا تۇرعىندارى مەن قوناقتارىن جولدا جانە جاياۋ جۇرگىنشى ايماقتارىندا اباي بولۋعا, سونداي-اق اۋا رايى قولايسىز كەزدە الىس ساپارلارعا شىقپاۋعا شاقىرادى.