«قازگيدرومەت» رمك ءباسپاسوز قىزمەتى 2025 جىلدىڭ 8–10 قاراشاسىنا ارنالعان اۋا رايى بولجامىن ۇسىندى, دەپ حابارلايدى Egemen.kz.
سينوپتيكتەردىڭ مالىمەتىنشە, اتلانت تسيكلونىنىڭ اسەرىنەن ەلىمىزدىڭ باسىم وڭىرىندە اۋا رايى قۇبىلمالى بولادى: جاۋىن-شاشىن (جاڭبىر, قار) كۇتىلەدى, سونداي-اق تۇمان, كوكتايعاق جانە بورانمەن بىرگە جەلدىڭ كۇشەيۋى بولجاندى.
تەك ەلدىڭ وڭتۇستىگى مەن وڭتۇستىك-شىعىسىندا اۋا رايى نەگىزىنەن جاۋىن-شاشىنسىز بولادى.
«كۇندىزگى اۋا تەمپەراتۋراسىنىڭ نەگىزگى فونى باتىس وڭىرلەردە +5…+15°س, سولتۇستىك-باتىستا 0…+10°س, سولتۇستىك, شىعىس جانە ورتالىق ايماقتاردا –3…+2°س, ال وڭتۇستىك پەن وڭتۇستىك-شىعىستا +5…+15°س شاماسىندا بولادى», دەپ حابارلادى «قازگيدرومەت».