ارنايى توپ ماڭعىستاۋ وبلىسىنداعى يتبالىقتاردىڭ جاپپاي قىرىلۋىنىڭ سەبەبىن تەرگەپ جاتىر. تەرگەۋگە گيدروبيولوگيا ينستيتۋتىنىڭ ماماندارى قوسىلدى, دەپ حابارلايدى Egemen.kz.
تۇپقاراعان اۋدانىنداعى جاعالاۋدان 112 ءولى يتبالىق تابىلعان. بۇل جويىلىپ بارا جاتقان جانۋارلار اسان اۋىلىنان باستاپ باۋتينو مۇيىسىنە دەيىنگى ءارتۇرلى جەرلەردە جاعاعا شىعىپ قالعان.
ساراپشىلار زەرتحانالىق تالداۋ ءۇشىن قالدىقتاردىڭ فراگمەنتتەرىن, سونداي-اق سۋ, توپىراق جانە اۋا ۇلگىلەرىن جيناعان. قازىرگى ۋاقىتتا جاعالاۋدى مونيتورينگ جۇرگىزىلىپ, مايىتتەردى جويۋ جۇمىستارى جالعاسىپ جاتىر.
«گيدروبيولوگيا جانە ەكولوگيا ينستيتۋتىنىڭ قىزمەتكەرلەرى ەكسپەديتسيا جۇرگىزۋدە. ماڭعىستاۋ وبلىسىنىڭ اكىمدىگى يتبالىقتاردى قورعاۋ الگوريتمىن جاساپ, ارنايى جۇمىس توبىن قۇردى. يتبالىقتاردىڭ جاپپاي قىرىلۋى العاش رەت تىركەلىپ وتىرعان جوق. بيىل كوكتەمدە 284 ءولى يتبالىق تابىلدى», دەدى ماڭعىستاۋ وبلىستىق بالىق شارۋاشىلىعى دەپارتامەنتىنىڭ ءبولىم باسشىسى ساعادات ءومىرحانوۆا.