الماتىدا تاۋ بوكتەرىندەگى اۋدانداردىڭ قۇرىلىسىنا تىيىم سالىندى

الماتى قالالىق جوسپارلاۋ جانە ۋربانيستيكا باسقارماسىنىڭ باسشىسى الماس جانبىرشىنىڭ ايتۋىنشا, 2014 جىلى قاراساي جانە تالعار اۋداندارىنىڭ قوسىلۋى ناتيجەسىندە 29 شاعىن اۋدان - ەرمەنساي, قارعالى, رەميزوۆكا جانە ت.ب. قۇرىلىپ, ولاردىڭ سانى 171 مىڭنان اسادى.

«اۋداندار جەتكىلىكتى ينجەنەرلىك جانە كولىكتىك قامتاماسىز ەتۋسىز قالىپتاستى, بۇل بۇگىندە كولىك جانە كوممۋنالدىق ينفراقۇرىلىمعا سالماق تۇسىرەدى, سونداي-اق سەيسميكالىق جانە ەكولوگيالىق تاۋەكەلدەردى تۋدىرادى. ءموراتوريدى ەنگىزۋ تابيعي لاندشافتتى ساقتاۋعا جانە قالانىڭ قاۋىپسىز دامۋىن قامتاماسىز ەتۋگە باعىتتالعان», دەدى سپيكەر.

ول الماتى قالاسىنىڭ اۋماعىندا قۇرىلىس سالۋ ەرەجەلەرىنە مىناداي وزگەرىستەر ەنگىزۋدى ۇسىندى: 

باس جوسپاردا كوزدەلگەن الەۋمەتتىك ينفراقۇرىلىم جانە تۋريستىك كلاستەر وبەكتىلەرىن قوسپاعاندا, كوپ پاتەرلى تۇرعىن ۇيلەر مەن كەشەندەر سالۋعا تىيىم سالۋ.

قولدانىستاعى كولىك جانە ينجەنەرلىك ينفراقۇرىلىمعا جۇكتەمە تۋدىرسا تىعىز ايماقتاردا (نۇكتەلى) قۇرىلىسقا تىيىم سالۋ.

شەكتەۋلەر قولدانىستاعى وبەكتىلەردى رەكونسترۋكتسيالاۋعا, قايتا جوسپارلاۋعا, جاڭعىرتۋعا جانە كۇردەلى جوندەۋ كەزىندە قولدانىلمايدى.

سەسسيادا ناقتىلاعانداي, الەۋمەتتىك ينفراقۇرىلىم نىساندارىنا مەكتەپتەر, اۋرۋحانالار, بالاباقشالار جانە قالا تۇرعىندارىنىڭ قاجەتتىلىكتەرىن قامتاماسىز ەتەتىن باسقا دا ينفراقۇرىلىمدار جاتادى. تۋريستىك نىساندارعا قالا تۇرعىندارىنىڭ, الماتى قوناقتارىنىڭ, شەتەلدىك تۋريستەردىڭ جايلى دەمالۋى ءۇشىن قوناق ۇيلەر مەن باسقا دا تۋريزم نىساندارى جاتادى. بۇل نىسانداردىڭ قاباتتىلىعىنا كەلەتىن بولساق, بۇرىن ەنگىزىلگەن بازالىق شەشىم ارەكەت ەتەدى - ءۇش قاباتتان نەمەسە 12 مەتردەن جوعارى بولماۋى كەرەك.

وسى ءموراتوريدى ورىنداۋ شەڭبەرىندە 2023 جىلعى 3 مامىردا بەكىتىلگەن قالانىڭ باس جوسپارىن تۇزەتۋ جوسپارلانىپ وتىر.  2026 جىلدىڭ مامىر ايىنا دەيىن تۇزەتۋلەر ەنگىزۋ جوسپارلانعان.

ايتا كەتەيىك  2025 جىلعى 3 تامىزدا مەملەكەت باسشىسى قاسىم-جومارت توقاەۆ قالا اكىمى دارحان ساتىبالدىنى قابىلاۋ  كوپ پاتەرلى تۇرعىن ءۇي كەشەندەرىنىڭ قۇرىلىسىنا جانە قالانىڭ جوعارعى بولىگىندەگى نۇكتەلى قۇرىلىسقا موراتوري ەنگىزۋدى تاپسىرعان بولاتىن.