تۇركيانىڭ باتىس بولىگىندە ءتۇن ورتاسىندا تىركەلگەن قۋاتتى جەر سىلكىنىسى ىستامبۇل مەن يزمير تۇرعىندارىن ءدۇر سىلكىندىردى. العاشقى دەرەكتەرگە قاراعاندا, ءدۇمپۋ بالىكەسير پروۆينتسياسىنىڭ سىندىرى اۋدانىنان باستاۋ العان, دەپ حابارلايدى Egemen.kz انادولىعا سىلتەمە جاساپ.
ساعات 22:48-دە تۇركيانىڭ اپاتتار جانە توتەنشە جاعدايلاردى باسقارۋ باسقارماسى (AFAD) 6,1 ماگنيتۋدالى جەر سىلكىنىسىن تىركەدى. جەراستى قوزعالىسىنىڭ تەرەڭدىگى شامامەن 6 شاقىرىمعا جۋىق بولعان. ءدۇمپۋدىڭ كۇشى اسىرەسە ءمارمار مەن ەگەي ايماقتارىنداعى ءىرى قالالار ىستامبۇل مەن يزميردە ايقىن سەزىلگەن.
Report اگەنتتىگىنىڭ مالىمەتىنشە, سىندىرى اۋدانىندا بىرنەشە عيمارات پەن ءبىر دۇكەن قيراعان. الايدا تۇركيانىڭ ىشكى ىستەر ءمينيسترى الي ەرليكايانىڭ ايتۋىنشا, بۇل نىساندار پايدالانۋعا بەرىلمەگەن. قازىرگى ۋاقىتتا زارداپ شەككەندەر تۋرالى اقپارات تۇسكەن جوق.