پاۆلودار وبلىسىندا 10 قازان كۇنى ەكى اعايىندى اڭ اۋلاۋعا شىعىپ, ۇيلەرىنە ورالماعان. ولاردىڭ جوعالعانى تۋرالى حابار تەك 17 قازاندا تۇسكەن, دەپ حابارلايدى Egemen.kz.
بەلگىلى بولعانداي, اعايىندى ۆياچەسلاۆ پەن نيكولاي لۋكيانتسەۆتەر سولنەچنىي اۋىلىنان Lada Niva اۆتوكولىگىمەن اڭشىلىققا شىعىپ, وزدەرىمەن بىرگە ۇرلەمەلى قايىق الىپ كەتكەن. 14 قازاننان باستاپ ەر ادامدارمەن بايلانىس ۇزىلگەن.
«حابار تۇسكەن كۇنى-اق قۇتقارۋشىلار دروننىڭ كومەگىمەن جاعادان 15 مەتر قاشىقتىقتا 1973 جىلى تۋعان ەر ادامنىڭ دەنەسىن تاپتى», دەپ مالىمدەدى تجد.
1970 جىلى تۋعان ەكىنشى ەر ادامدى ىزدەۋ وپەراتسياسى جالعاسىپ جاتىر. ىزدەۋگە قۇتقارۋشىلار, كينولوگتار, پوليتسيا, جەرگىلىكتى اتقارۋشى ورگاندار مەن ەرىكتىلەر تارتىلعان.