استانا قالاسى الماتى اۋدانىنىڭ پروكۋراتۋراسى دەنساۋلىق ساقتاۋ ۇيىمدارىنداعى تەكسەرىس بارىسىندا مەديتسينا قىزمەتكەرلەرىنىڭ ەڭبەكاقىسى مەن الەۋمەتتىك تولەمدەرى ۋاقىتىلى بەرىلمەگەنىن انىقتادى. ناتيجەسىندە 90 ميلليون تەڭگەدەن اساتىن بەرەشەك وتەلىپ, اق حالاتتىلاردىڭ قۇقىقتارى قورعالعان, دەپ حابارلايدى Egemen.kz.
«مەديتسينا قىزمەتكەرلەرىنە جالپى سوماسى 90 ملن تەڭگەدەن اساتىن مىندەتتى زەينەتاقى جانە الەۋمەتتىك اۋدارىمدار, سونداي-اق 15 ملن تەڭگەدەن استام ىنتالاندىرۋ سىياقىلارى تولەنبەگەنى انىقتالدى», دەپ حابارلادى قالالىق پروكۋراتۋرانىڭ ءباسپاسوز قىزمەتى,
پروكۋراتۋرا ارالاسقاننان كەيىن بەرەشەك تولىق كولەمدە وتەلىپ, اق حالاتتى ابزال جانداردىڭ ەڭبەگى لايىقتى باعاسىن تاپقان. سونىمەن قاتار, زاڭبۇزۋشىلىققا جول بەرگەن لاۋازىمدى تۇلعا تارتىپتىك جاۋاپكەرشىلىككە تارتىلدى.