قىزىلوردانىڭ سول جاعالاۋىندا 11 مىڭ كورەرمەنگە ارنالعان جاڭا ستاديوننىڭ اشىلدى. وسىعان وراي ۇيىمداستىرىلعان شارادان كەيىن فۋتبولدان ەل كۋبوگىنىڭ فينالدىق ماتچىندا «ورداباسى» (شىمكەنت) مەن «توبىل» (قوستاناي) كوماندالارى كەزدەستى, دەپ جازادى Egemen.kz.
ستاديوننىڭ اشىلۋىنا تۋريزم جانە سپورت ءمينيسترى ەربول مىرزابوسىنوۆ, قازاقستان فۋتبول فەدەراتسياسىنىڭ پرەزيدەنتى مارات وماروۆ ارنايى كەلدى.
ايماق باسشىسى نۇرلىبەك نالىباەۆ مىڭداعان جانكۇيەردى جاڭا نىساننىڭ اشىلۋىمەن قۇتتىقتاپ, كوماندالارعا ساتتىلىك تىلەدى.
«جاڭا ستاديونىمىزدىڭ اشىلۋى فۋتبولدان قازاقستان كۋبوگىنىڭ فينالدىق ويىنىمەن تۇسپا-تۇس كەلدى. جانكۇيەرلەر اسىعا كۇتەتىن سپورت مەرەكەسى وتاندىق فۋتبول تاريحىندا العاش رەت قىزىلوردا قالاسىندا ءوتىپ جاتقانى سىربويىلىقتار ءۇشىن ۇلكەن مارتەبە, زور ماقتانىش! قالامىزدا جاڭا نىساننىڭ سالىنۋىنا ەرەكشە قولداۋ بىلدىرگەن مەملەكەت باسشىسىنا, ۇكىمەتكە بارشا سىر جۇرتشىلىعى اتىنان شىنايى العىسىمىزدى بىلدىرەمىز. فينالدىق ويىندى وتكىزۋگە باستاماشى بولىپ, ۇيىمداستىرعان قازاقستان فۋتبول فەدەراتسياسىنا زور ريزاشىلىعىمىزدى جەتكىزەمىز!», دەدى وبلىس باسشىسى.
اۋدانى 20 مىڭ شارشى مەتر بولاتىن «قايسار ارەنا» ۋەفا-نىڭ 4-ساناتىنا سايكەستەندىرىلگەن. حالىقارالىق تالاپتارعا ساي سالىنعان ستاديوندا فۋتبول الاڭى عانا ەمەس, وليمپيادالىق ستاندارتتارعا سايكەس كەلەتىن بوكس, كۇرەس, فيتنەس, سپورتتىق گيمناستيكا جانە اۋىر اتلەتيكا زالدارى بار.
اشىلۋ سالتاناتىنان كەيىن باستالعان فينالدىق ويىننىڭ باس تورەشىسى شۆەيتساريالىق سۆەن ۆولفەنسبەرگەر بولدى.ء بىرىنشى تايمنان-اق «توبىلدىڭ» تەگەۋرىنى ايقىن سەزىلدى. ەسەپتى اسحات تاعىبەرگەننىڭ ايىپ سوققىسىنان كەيىن نيكولاي سيگنەۆيچ اشتى. باعاناعا ءتيىپ كەرى قايتقان دوپتى دوپتى قاقپاعا ءدال باعىتتان يسلام چەسنوكوۆ ەكىنشى گول اۆتورى اتاندى.
ەكىنشى تايمدا «ورداباسى» بەلسەندى شابۋىلعا شىققانىمەن ەسەپ وزگەرمەدى. وسىمەن ءۇشىنشى مارتە كۋبوك يەسى اتانىپ وتىرعان «توبىل» كەلەسى ماۋسىمدا كونفەرەنتسيالار ليگاسىنا قاتىسۋ قۇقىعىنا يە بولدى.