استانادا ىشكى ىستەر ورگاندارى قىزمەتكەرلەرىنە ارنالىپ ۇيىمداستىرىلعان «زاڭ مەن ءتارتىپ» فوتوكورمەسىندە پوليتسيا قىزمەتىنىڭ سان قىرىن كورسەتەتىن ەرەكشە سۋرەتتەر قويىلدى, دەپ جازادى Egemen.kz.
قوعامدىق ءتارتىپتى ساقتاۋ, ازاماتتاردىڭ قاۋىپسىزدىگىن قامتاماسىز ەتۋ, جەدەل ءىس-شارالار مەن حالىقپەن كۇندەلىكتى قارىم-قاتىناس ساتتەرى بەينەلەنگەن فوتوكورمەدە پوليتسيا قىزمەتكەرلەرى ءار فوتوسۋرەتتى ءتۇسىندىرىپ, ناقتى جاعدايدا قالاي تۇسىرىلگەنىن دە باياندادى.
ەرلىك كورسەتكەن ءتارتىپ ساقشىلارىنىڭ وقيعالارى دا اڭگىمەلەنىپ, ولاردىڭ باتىلدىعى مەن ادالدىعى كورەرمەندەرگە ۇلگى رەتىندە ۇسىنىلدى.
ىشكى ىستەر مينيسترلىگىنىڭ مالىمەتىنشە كورمەنىڭ باستى ماقساتى – پوليتسيا قىزمەتىنىڭ كوپقىرلىعىن كورسەتۋ, زاڭعا ادال قىزمەت ەتۋدىڭ ماڭىزىن جەتكىزۋ جانە حالىق پەن ءتارتىپ ساقشىلارى اراسىنداعى سەنىمدى نىعايتۋ. كورمە قوناقتارى باتىلدىق پەن جاۋاپكەرشىلىكتىڭ شىنايى ساتتەرىن تاماشالاپ, پوليتسيا قىزمەتكەرلەرىنىڭ جۇمىسىنا جاقىنىراق كوز جەتكىزە الدى.