ءۇندىستاننىڭ احمەداباد شاھارىندا جۇزۋدەن ءوتىپ جاتقان ازيا چەمپيوناتىندا قازاقستان قۇراماسى ەل رەكوردىن جاڭارتتى, حابارلايدى Egemen.kz.
4ح100 مەترگە ەركىن ستيلدە جۇزۋدەن ارالاس ەستافەتادا ادىلبەك مۋسين, عالىمجان بالابەك, سوفيا سپودارەنكو, سوفيا ابۋباكىروۆا ءۇشىنشى ورىندى جەڭىپ الدى. اتالعان سپورتشىلار 3:35.36 ناتيجەسىمەن مارە سىزىعىن كەسىپ, قازاقستان رەكوردىن جاڭارتتى.
ۇلتتىق وليمپيادا كوميتەتىنىڭ مالىمەتىنشە اتالعان جارىستا ادىلبەك مۋسين 50 مەترگە باتتەرفلياي ادىسىمەن ءجۇزۋ بويىنشا 23.74 ناتيجەسىمەن مارەگە جەتىپ, التىن مەدال يەلەندى. شەشۋشى جارىستا تاعى ءبىر وتانداسىمىز ماكسيم سكازوبتسوۆ (23.90) ءۇشىنشى ورىنعا تابان تىرەدى. ال اتالعان باعدارلاما بويىنشا ايەلدەر اراسىندا وتكەن جارىستا سوفيا ابۋباكىروۆا ەكىنشى ورىن السا, سوفيا سپودارەنكو مارە سىزىعىن ءۇشىنشى بولىپ كەستى.