سەگىز ەلگە ەت ەكسپورتتالعان

وڭىردەگى جالپى اۋىل شارۋاشىلىعى ءونىمىنىڭ 40 پايىزدان استامى مال شارۋاشىلىعىنىڭ ۇلەسىنە تيەسىلى. 2025 جىلدىڭ 7 ايىنىڭ قورىتىندىسى بويىنشا وڭىردە 64,8 مىڭ توننا ەت ءوندىرىلدى. 

وبلىستىق اۋىل شارۋاشىلىعى باسقارماسىنىڭ باسشىسى قايرات كوشەنوۆتىڭ ايتۋىنشا, جىل باسىنان بەرى 1 615,2 توننا ەت جانە 340 تونا شۇجىق ونىمدەرى ەكسپورتتالدى. ونىڭ ىشىندە سيىر ەتى – 661,2 توننا, قوي ەتى – 953,7 توننا, جىلقى ەتى - 0,2 توننا, قۇس ەتى – 1302,2 توننا. 

ونىمدەر قىرعىزستان, قاتار, كۋۆەيت, ءباا, رەسەي, ساۋد ارابياسى, يران جانە گەرمانيا ەلدەرىنىڭ نارىعىنا جونەلتىلدى.وڭىردە مال شارۋاشىلىعىن دامىتۋعا تۇراقتى تۇردە كوڭىل بولىنۋدە. سىيىمدىلىعى 1 000 باستان جوعارى 9 مال بورداقىلاۋ الاڭى جۇمىس ىستەيدى. قۋاتتىلىعى تاۋلىگىنە 300 باس ۇساق مالدى جانە 50 باس ءىرى  قارا مالدى سويىپ, وڭدەيتىن 2 ەت وڭدەۋ كاسىپورىنى بار. 

جامبىل وبلىسى.