قازاقستان رەسپۋبليكاسى ۇكىمەتىنىڭ قاۋلىسىمەن باعلان ءابداشىم ۇلى بەكباۋوۆ قر اۋىل شارۋاشىلىعى ۆيتسە-ءمينيسترى قىزمەتىنەن بوساتىلدى, دەپ حابارلايدى Egemen.kz.
باعلان بەكباۋوۆ بۇل قىزمەتكە 2021 جىلعى 10 قاراشادا تاعايىندالعان.
ول 1983 جىلى تۇركىستان قالاسىندا دۇنيەگە كەلگەن. ق.ا. ياسساۋي اتىنداعى اتىنداعى حالىقارالىق قازاق-تۇرىك ۋنيۆەرسيتەتىن, م. نارىكباەۆ اتىنداعى قازمزۋ-دى بىتىرگەن. ماماندىعى بويىنشا بىلىكتىلىگى – ەسەپتەۋىش تەحنيكا مەن جەلىلەردى باعدارلامالىق جانە اپپاراتتىق قامتاماسىز ەتۋ, قۇقىقتانۋ.
ەڭبەك جولىن 2006 جىلى جەكەمەنشىك كومپانيادا باعدارلاماشى لاۋازىمىنان باستاعان.
2008-2016 جىلدارى «ۇات» اق قۇرىلىمىندا ءتۇرلى لاۋازىمدار اتقارعان.
2016-2017 جىلدارى كوممەرتسيالىق ۇيىمنىڭ تەحنيكالىق ديرەكتورى قىزمەتىن اتقارعان.
2017-2020 جىلدارى – باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى توراعاسىنىڭ ورىنباسارى, 2021 جىلعى قاڭتاردان اقپانعا دەيىن – «ۇات» اق باسقارما توراعاسىنىڭ ورىنباسارى بولعان.
2021 جىلدىڭ شىلدە ايىنان باستاپ جەكەمەنشىك كومپانيانىڭ باس ديرەكتورى بولىپ جۇمىس ىستەگەن, كەيىن اۋىل شارۋاشىلىعى ۆيتسە-ءمينيسترى بولىپ تاعايىندالعان.