پرەزيدەنت قاسىم-جومارت توقاەۆ زاڭسىز اكتيۆتەردى قايتارۋ جونىندەگى كوميتەتتى ينۆەستورلاردىڭ قۇقىقتارىن قورعاۋ كوميتەتى دەپ قايتا اتاۋدى ۇسىندى. بۇل تۋرالى مەملەكەت باسشىسى بۇگىنگى جولداۋىندا ايتتى, دەپ جازادى Egemen.kz.
مەملەكەت باسشىسىنىڭ ايتۋىنشا, قازىرگى كۇردەلى احۋالدا ەلگە ينۆەستيتسيا تارتۋ – كەزەك كۇتتىرمەيتىن ماسەلە.
«بىزگە جاڭا ۇستانىم كەرەك. قالاي بولسا دا, ينۆەستيتسيا تارتۋ بويىنشا بارلىق ۇيلەستىرۋ جۇمىسى تىكەلەي پرەمەر-مينيسترگە جۇكتەلەدى», دەدى قاسىم-جومارت توقاەۆ.
پرەزيدەنت ەلىمىزدەگى مەكەمەلەردىڭ بىردە-ءبىرىنىڭ اتاۋىندا «ينۆەستيتسيا» دەگەن ءسوزدىڭ جوقتىعىنا نازار اۋداردى.
«ينۆەستيتسيا جەتىم بالا سياقتى ءۇش-ءتورت مەكەمەگە ورتاق ماسەلە بولىپ, ءوز ورنىن تاپپاي وتىر. سوندىقتان ولجاس بەكتەنوۆ 10 كۇن ىشىندە ناقتى ۇسىنىس ايتۋى قاجەت», دەپ تاپسىردى پرەزيدەنت.
سونىمەن قاتار, ۇكىمەتكە ينۆەستيتسيا تارتۋ جۇيەسىن تۇگەل جاڭعىرتۋ جونىندەگى ناقتى جوسپاردى قىسقا مەرزىم ىشىندە ازىرلەۋ مىندەتتەلدى.