اسۋ الماباەۆ قاتاردا وتەتىن تۋرنيردە ونەر كورسەتەدى

اسۋ مەن پەرەس 22 قاراشا كۇنى دوحادا وتەتىن UFC Fight Night تۋرنيرىندە كەزدەسەدى. بۇل – كاتارداعى العاشقى UFC ءتۋرنيرى بولماق.

جاقىندا پەرەس الماباەۆقا ۇندەۋ تاستاعان ەدى. 33 جاستاعى امەريكالىق 2017 جىلدان بەرى UFC-دە ونەر كورسەتىپ كەلەدى. قازىرگى كورسەتكىشى – 7 جەڭىس, 5 جەڭىلىس. 2020 جىلدىڭ قاراشاسىندا الەكس ءۇش جەڭىستەن كەيىن چەمپيوندىق بەلبەۋ ءۇشىن ايقاسقا شىققانىمەن, ءبىرىنشى راۋندتا دەيۆەسون فيگەرەدودان جەڭىلىپ قالعان.

ودان كەيىنگى ەكى جەكپە-جەگىندە پەرەستىڭ قارسىلاستارى چەمپيوندار - الەشاندرە پانتوجا مەن مۇحامماد موكاەۆ بولدى. ول ەكەۋىندە دە جەڭىلىس تاپتى.

پەرەستىڭ ۇلكەن كەمشىلىگى – UFC-دە 13 جەكپە-جەگى ءارتۇرلى سەبەپپەن وتپەي قالعان. ونىڭ التاۋىنا تىكەلەي ءوزى كىنالى. قازىرگى تاڭدا UFC رەيتينگىندە امەريكالىق 8-ورىندا, ال اسۋ – 9-ورىندا.

ەستەرىڭىزگە سالا كەتەيىك, اعىمداعى جىلدىڭ 26 ​​شىلدەسىندە وتكەن سوڭعى جەكپە-جەگىندە اسۋ پەرۋلىك حوسە وچوانى (8-2) تىزە بۇكتىرگەن بولاتىن.