سۋ رەسۋرستارى جانە يرريگاتسيا مينيسترلىگى قۇرىلعالى «قازسۋشار» رمك-نىڭ تەحنيكا پاركىن جاڭارتۋ جۇمىسى بەلسەندى جۇرگىزىلىپ كەلەدى. بۇگىندە جاڭا قۇرال-جابدىقتار مەن اۆتوكولىكتەر كاسىپورىننىڭ بارلىق ارنايى تەحنيكاسىنىڭ شامامەن 31%-ىن قۇرايدى, دەپ جازادى Egemen.kz.
بۇگىندە «قازسۋشار» رمك فيليالدارى 524 جاڭا ارنايى تەحنيكا العان. كاسىپورىنعا جالپى 757 اۆتوكولىك پەن قۇرال-جابدىق بەرۋ جوسپارلانعان. مينيسترلىك ۇسىنعان تەحنيكالار قاتارىندا ەكسكاۆاتورلار, تيەگىشتەر, شىنجىر تاباندى ەكسكاۆاتورلار, تراكتورلار, تىركەمەلەر, ساموسۆالدار, تارتقىش كولىكتەر, اۆتوكراندار, جانارماي تاسىمالداعىشتار, قوسالقى قۇرال-جابدىقتار مەن ديزەلدى گەنەراتورلار بار.
ارنايى تەحنيكا پاركىن اۋقىمدى جاڭارتۋعا دەيىن كاسىپورىندا 1 665 اۆتوكولىك پەن قۇرال-جابدىق بولعان.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ ايتۋىنشا جاڭا ارنايى تەحنيكا قۇرىلىس-مونتاج جانە جۇمىستارىن جىلدام ءارى ءتيىمدى جۇرگىزۋگە مۇمكىندىك بەرەدى. سونداي-اق سۋ تاسقىنىنا قارسى كۇرەستى دە جاقسارتادى.
«مينيسترلىك بەرگەن تەحنيكا قازىردىڭ وزىندە تىكەلەي ماقساتىنا ساي پايدالانىلىپ, گيدروتەحنيكالىق نىسانداردىڭ سەنىمدىلىگىن جانە يرريگاتسيالىق كانالداردىڭ وتكىزۋ مۇمكىندىگىن ارتتىرىپ وتىر», دەدى ن.نۇرجىگىتوۆ.