استانا قالاسى اكىمدىگى قالا جانە اۋدانداردا تازالىققا قاتىستى مونيتورينگ جۇرگىزىلىپ, كىنالىلەر اكىمشىلىك جاۋاپكەرشىلىككە تارتىلعانىن حابارلادى, دەپ جازادى Egemen.kz.
قازىرگى تاڭدا قالا بويىنشا 207 قوقىس ءۇيىندىسى جويىلىپ, 270 مىڭ توننادان استام قوقىس شىعارىلعان. جۇمىسقا 149-دان استام ارنايى تەحنيكا جۇمىلدىرىلعان.
بايقوڭىر اۋدانىندا – 53 ءۇيىندى جويىلىپ, 25 مىڭ توننادان استام قوقىس شىعارىلدى. ەسىل اۋدانىندا – 54 ءۇيىندى جويىلىپ, 82 مىڭ توننادان استام قوقىس شىعارىلدى. سارىارقا اۋدانىندا – 16 ورىننان 19 مىڭ توننا قوقىس جينالدى. سارايشىق اۋدانىندا – 32 ءۇيىندى جويىلىپ, 32 مىڭ توننا قوقىس شىعارىلدى. الماتى اۋدانىندا – 28 ءۇيىندى جويىلىپ, 20 مىڭ توننا قوقىس شىعارىلدى. نۇرا اۋدانىندا – 24 نۇكتەدەن 99 مىڭ توننا قوقىس شىعارىلدى.ايتا كەتەيىك, رۇقسات ەتىلمەگەن ورىندارعا قوقىس تاستاعان جەكە تۇلعالار مەن كاسىپورىندارعا 100-دەن 1000 ايلىق ەسەپتىك كورسەتكىشكە دەيىن (393 200 تەڭگەدەن 3 ملن 932 مىڭ 200 تەڭگەگە دەيىن) ايىپپۇل سالىنادى.
اكىمشىلىك جازا قولدانىلعاننان كەيىن ءبىر جىل ىشىندە قايتادان قۇقىق بۇزۋشىلىق جاساعان جاعدايدا 200-دەن 2000 اەك-كە دەيىن (786 400 تەڭگەدەن 7 ملن تەڭگەدەن استامعا دەيىن) ايىپپۇل قاراستىرىلعان.
2025 جىلدىڭ جەتى ايىندا پوليتسيا دەپارتامەنتى قوعامدىق ورىنداردى لاستاعانى ءۇشىن (اقبتك 434-2-بابى) 11 250 قۇقىق بۇزۋشىعا 380 ملن تەڭگەدەن استام ايىپپۇل سالعان. سونداي-اق قالانى اباتتاندىرۋ ەرەجەلەرىن بۇزعانى ءۇشىن (اقبتك 505-بابى) 19 570 ادامعا 34 ملن تەڭگە ايىپپۇل سالىنعان.