«سىر سۇلۋى» دەپ اتالاتىن كۇرىش سورتىن قىزىلوردا وبلىسىندا ى. جاقاەۆ اتىنداعى قازاق كۇرىش شارۋاشىلىعى عىلىمي-زەرتتەۋ ينستيتۋتى سىناقتان وتكىزىپ جاتىر. جاڭا سورتتىڭ ەرەكشەلىگى 105-110 كۇن ىشىندە ءپىسىپ-جەتىلىپ, سۋدى از قاجەت ەتەدى, دەپ جازادى Egemen.kz.
«سىر سۇلۋى» جەرگىلىكتى اۋا رايى مەن توپىراققا تولىق بەيىمدەلگەن. سوندىقتان بارلىق اگروتەحنيكالىق تالاپ ورىندالعان جاعدايدا گەكتارىنان 80-85 تسەنتنەرگە دەيىن ءونىم الۋعا بولادى.
سونىمەن قاتار عىلىمي-زەرتتەۋ ينستيتۋتى سۋ رەسۋرستارى جانە يرريگاتسيا مينيسترلىگىمەن بىرلەسىپ, ۆەنگرلىك Water Retainer جاڭا پرەپاراتىن سىناقتان وتكىزىپ جاتىر. ول توپىراقتاعى ىلعالدى ۇزاق ساقتاۋعا كومەكتەسەدى. بيىل بۇل پرەپارات الماتى, جامبىل, قىزىلوردا, قاراعاندى, اقمولا جانە جەتىسۋ وبلىستارىنداعى ەگىستىكتەردە تاجىريبە جۇزىندە قولدانىلا باستادى.
ء«بىرىنشى سىناق كەزەڭىندە ءتورت عىلىمي-زەرتتەۋ ينستيتۋتى قاتىستى. سىناق ناتيجەسىندە پرەپارات كۇرىشتىڭ ءوسۋ كەزەڭىن قىسقارتىپ, سۋدى ايتارلىقتاي ۇنەمدەۋگە مۇمكىندىك بەرەتىنى انىقتالدى. ادەتتە كۇرىشكە 90 كۇن بويى سۋ جىبەرىلەدى, ال بۇل پرەپاراتتى قولدانعاندا بار بولعانى 51 كۇن سۋارۋ جەتكىلىكتى», دەدى سۋ رەسۋرستارى جانە يرريگاتسيا مينيسترلىگىنىڭ عىلىمي جانە يننوۆاتسيالىق تەحنولوگيالار دەپارتامەنتى ديرەكتورى ءلاززات ءجۇسىپوۆا.