مەملەكەت باسشىسىنىڭ تاپسىرماسىن ورىنداۋ اياسىندا ۇلتتىق قاۋىپسىزدىك كوميتەتى قارۋ-جاراق پەن وق-دارىلەردىڭ زاڭسىز اينالىمىنا قارسى ءىس-قيمىل بويىنشا جۇيەلى شارالار قابىلداپ جاتىر, دەپ حابارلايدى Egemen.kz.
2025 جىلعى تامىز ايىنىڭ باسىنان باستاپ ۇقك پوليتسيا ورگاندارىمەن بىرلەسىپ جانە پروكۋراتۋرانىڭ ۇيلەستىرۋىمەن استانا, شىمكەنت قالالارىندا, سونداي-اق اتىراۋ, جامبىل, قاراعاندى, پاۆلودار, سولتۇستىك قازاقستان جانە ۇلىتاۋ وبلىستارىندا قارۋدى, سونىڭ ىشىندە «قاڭتار وقيعالارى» كەزىندە ۇرلانعان قارۋلاردى زاڭسىز اينالىمنان انىقتاۋ جانە تاركىلەۋ ماقساتىندا بىرقاتار جەدەل-ىزدەستىرۋ شارالارىن جۇرگىزدى.
ناتيجەسىندە, 12 كالاشنيكوۆ اۆتوماتى, 6 تاپانشا, 15 مىلتىق, 3 گراناتا جانە 500-دەن استام وق-ءدارى تاركىلەندى.اتالعان فاكتىلەر بويىنشا تەرگەۋ-جەدەل ءىس-شارالارى جۇرگىزىلىپ جاتىر. بۇل باعىتتاعى جۇمىس جالعاسىپ جاتىر.