ۇكىمەت وتىرىسىندا كولىك ءمينيسترى نۇرلان ساۋرانباەۆ مەملەكەتارالىق ءتۇيىسۋ پۋنكتتەرىنىڭ وتكىزۋ قابىلەتىن ارتتىرۋ بويىنشا اتقارىلىپ جاتقان جۇمىستار تۋرالى باياندادى, دەپ حابارلايدى Egemen.kz.
ن.ساۋرانباەۆ رەسەي مەن وزبەكستان باعىتتارىندا وتكىزۋ قابىلەتىن ارتتىرۋ ماسەلەسى تولىعىمەن شەشىلگەنىن اتاپ ءوتتى. مىسالى, سارىاعاش تۇيىسپەسىندە بۇل كورسەتكىش 24 پويىزدان 35 پويىزعا دەيىن جەتكىزىلگەن.
شىلدەدەن باستاپ قىتاي باعىتى بويىنشا «دوستىق – مويىنتى» جەلىسىندە قوسىمشا پويىزدار قاتىناۋى باستاعان.
«وسىلايشا, تەمىرجول ءتۇيىسۋ پۋنكتتەرىنىڭ ماسەلەسى شەشىمىن تاپتى. قازاقستان تەمىر جولى ەلىمىزدەگى بيزنەس وكىلدەرىنىڭ ەكسپورت پەن يمپورتقا دەگەن سۇرانىسىن تولىعىمەن قاناعاتتاندىرۋعا مىندەتتى. بولاشاقتا مەملەكەتارالىق ءتۇيىسۋ پۋنكتتەرىنىڭ وتكىزۋ قابىلەتىن 296 ملن تونناعا جەتكىزەمىز دەپ جوسپارلاپ وتىرمىز», دەپ اتاپ ءوتتى كولىك ءمينيسترى.