بيىلعى وقۋ جىلىندا وقۋشىلار نەشە كۇن دەمالادى

وقۋ جىلى 2025 جىلعى 1 قىركۇيەكتەن باستاپ 2026 جىلعى 25 مامىرعا دەيىن جالعاسادى.

1–11 (12) سىنىپتار ءۇشىن وقۋ مەن كانيكۋل ۇزاقتىعى كەلەسىدەي:

1-توقسان – 8 وقۋ اپتاسى, كۇزگى كانيكۋل – 7 كۇنتىزبەلىك كۇن (2025 جىلعى 27 قازاننان 2 قاراشاعا دەيىن);

2-توقسان – 8 وقۋ اپتاسى, قىسقى كانيكۋل – 10 كۇنتىزبەلىك كۇن (2025 جىلعى 29 جەلتوقساننان 2026 جىلعى 7 قاڭتارعا دەيىن);

3-توقسان – 10 وقۋ اپتاسى, كوكتەمگى كانيكۋل – 11 كۇنتىزبەلىك كۇن (2026 جىلعى 19 ناۋرىزدان 29 ناۋرىزعا دەيىن);

1-سىنىپتار ءۇشىن قوسىمشا كانيكۋل قاراستىرىلعان – 7 كۇنتىزبەلىك كۇن (2026 جىلعى 9 اقپاننان 15 اقپانعا دەيىن);

4-توقسان – 8 وقۋ اپتاسى.

قورىتىندى اتتەستاتسيا وتكىزۋ مەرزىمدەرى كەلەسىدەي:

9-سىنىپ (10-سىنىپ) وقۋشىلارى ءۇشىن قورىتىندى ءبىتىرۋ ەمتيحاندارى 2026 جىلعى 29 مامىر مەن 11 ماۋسىم ارالىعىندا وتەدى; 11-سىنىپ (12-سىنىپ) وقۋشىلارى ءۇشىن مەملەكەتتىك ءبىتىرۋ ەمتيحاندارى 2026 جىلعى 2 ماۋسىم مەن 15 ماۋسىم ارالىعىندا وتكىزىلەدى.

سونداي-اق 9-سىنىپ (10-سىنىپ) وقۋشىلارى ءۇشىن ەمتيحان وتكىزۋ مەرزىمدەرى بەكىتىلدى:

ماتەماتيكا (الگەبرا) پانىنەن جازباشا ەمتيحان – 2026 جىلعى 29 مامىر

تاڭداۋ ءپانى بويىنشا جازباشا ەمتيحان (فيزيكا, حيميا, بيولوگيا, گەوگرافيا, گەومەتريا, قازاقستان تاريحى, دۇنيەجۇزى تاريحى, ادەبيەت (وقىتۋ تىلىنە سايكەس), شەتەل ءتىلى (اعىلشىن/فرانتسۋز/نەمىس), ينفورماتيكا) – 2026 جىلعى 3 ماۋسىم;

قازاق ءتىلى/ورىس ءتىلى جانە انا ءتىلى بويىنشا جازباشا ەمتيحان (ۇيعىر, تاجىك, وزبەك تىلدەرىندە وقىتاتىن مەكتەپتەر ءۇشىن — وقىتۋ ءتىلى بويىنشا ەسسە تۇرىندە; گۋمانيتارلىق پاندەردى تەرەڭدەتىپ وقىتاتىن مەكتەپتەر ءۇشىن — ماقالا, اڭگىمە, ەسسە تۇرىندە جازباشا جۇمىس) – 2026 جىلعى 8 ماۋسىم;

قازاق ءتىلى مەن ادەبيەتى پانىنەن جازباشا ەمتيحان (ورىس/وزبەك/ۇيعىر/تاجىك تىلدەرىندە وقىتاتىن سىنىپتار ءۇشىن) جانە ورىس ءتىلى مەن ادەبيەتى پانىنەن جازباشا ەمتيحان (قازاق تىلىندە وقىتاتىن سىنىپتار ءۇشىن) – 2026 جىلعى 11 ماۋسىمدا وتەدى.

11-سىنىپ (12-سىنىپ) وقۋشىلارى ءۇشىن:

قازاقستان تاريحى پانىنەن اۋىزشا ەمتيحان – 2026 جىلعى 2 ماۋسىم;

الگەبرا جانە اناليز باستامالارى پانىنەن جازباشا ەمتيحان – 2026 جىلعى 5 ماۋسىم;

قازاق ءتىلى/ورىس ءتىلى جانە انا ءتىلى پانىنەن جازباشا ەمتيحان (ۇيعىر, تاجىك, وزبەك تىلدەرىندە وقىتاتىن مەكتەپ/سىنىپتار ءۇشىن — وقىتۋ ءتىلى بويىنشا) – 2026 جىلعى 9 ماۋسىم;

تاڭداۋ ءپانى بويىنشا جازباشا ەمتيحان (فيزيكا, حيميا, بيولوگيا, گەوگرافيا, گەومەتريا, دۇنيەجۇزى تاريحى, قۇقىق نەگىزدەرى, ادەبيەت (وقىتۋ تىلىنە سايكەس), شەتەل ءتىلى (اعىلشىن/فرانتسۋز/نەمىس), ينفورماتيكا) – 2026 جىلعى 12 ماۋسىم;

قازاق ءتىلى مەن ادەبيەتى پانىنەن جازباشا ەمتيحان (وزبەك/ۇيعىر/تاجىك/ورىس تىلىندە وقىتاتىن مەكتەپ/سىنىپتار ءۇشىن) جانە ورىس ءتىلى مەن ادەبيەتى پانىنەن جازباشا ەمتيحان (قازاق تىلىندە وقىتاتىن مەكتەپ/سىنىپتار ءۇشىن) – 2026 جىلعى 15 ماۋسىمدا وتەدى. 

بۇل بۇيرىق 2025 جىلعى 24 تامىزدان باستاپ كۇشىنە ەنەدى.