تۇركيانىڭ باتىسىنداعى بالىكەسير پروۆينتسياسىندا بولعان جەر سىلكىنىسى سالدارىنان ءبىر ادام كوز جۇمدى. قۇتقارۋشىلار ونىڭ دەنەسىن قيراعان عيماراتتىڭ ءۇيىندىسىنىڭ استىنان الىپ شىققان, دەپ جازادى Egemen.kz جەرگىلىكتى Hürriyet باسىلىمىنا سىلتەمە جاساپ.
ەلدىڭ ىشكى ىستەر ءمينيسترى ءالي ەرليكايا مارقۇمنىڭ جاسى 81-دە بولعانىن راستادى.
ايماقتا ىزدەستىرۋ-قۇتقارۋ جۇمىستارى جالعاسىپ جاتىر. وعان 300-دەن استام مامان جانە 79 ارنايى تەحنيكا جۇمىلدىرىلعان.
ەسكە سالا كەتەيىك, 10 تامىزدا تۇركيانىڭ باتىسىندا ماگنيتۋداسى 6,1 بولاتىن جەر سىلكىنىسى تىركەلگەن ەدى. جەراستى دۇمپۋلەرى جەرگىلىكتى ۋاقىتپەن ساعات 19:53-تە سەزىلگەن. ەپيتسەنترى بالىكەسير پروۆينتسياسىنداعى سىندىرگى اۋدانىندا ورنالاسىپ, تەرەڭدىگى شامامەن 11 شاقىرىم بولعان.
سونداي-اق وڭىردە 20-عا جۋىق ءالسىز قايتالاما ءدۇمپۋ تىركەلگەن.