استانا. 7 مامىر. ەلىمىزدىڭ باس پروكۋراتۋراسىندا وتان قورعاۋشىلار كۇنى جانە جەڭىستىڭ 70 جىلدىعىنا ارنالعان سالتاناتتى جيىن ءوتتى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
جيىن بارىسىندا باس پروكۋرور اسحات داۋىلباەۆ قۇتتىقتاۋ ءسوز سويلەپ, تاۋەلسىزدىك جىلدارىندا ەلباسىنىڭ قولداۋى ارقاسىندا ارميانىڭ قاۋىپسىزدىك كەپىلىنە جانە مەملەكەتتىڭ الىپ كۇشى مەن قۋاتىنىڭ كەمەلدى كورىنىسىنە اينالعاندىعىنا توقتالدى. سونداي-اق, ول ەلىمىزدىڭ قارۋلى كۇشتەرى بۇگىندە مەملەكەتىمىزدىڭ شىن مانىندەگى سەنىمدى تىرەگى بولىپ سانالاتىندىعىن اتاپ كورسەتتى.
«وتان قورعاۋشىلار كۇنى ەلىمىزدەگى بارلىق بۋىن وكىلدەرىنىڭ باسىن بىرىكتىرەتىن مەيرام. ءبىز وتانىمىزدىڭ تاريحىنداعى ەرلىككە تولى كەزەڭدەردى ءاردايىم قاستەر تۇتىپ, باتىر اكەلەرىمىز بەن قاھارمان اتالارىمىزدىڭ جانقيارلىق ەرلىكتەرىن ماڭگىلىك ەستە ساقتايتىن بولامىز. سونىمەن قاتار, بۇگىندە وتان ساقشىسى بولىپ, ەلدەگى بەيبىت ءومىر مەن تىنىشتىقتىڭ كۇزەتىندە تۇرعان ارىس ازاماتتارىمىزعا قۇرمەتىمىز شەكسىز», – دەدى باس پروكۋرور.
اسحات داۋىلباەۆ ۇجىمدى ۇلى جەڭىستىڭ 70 جىلدىعىمەن دە قۇتتىقتادى. «9 مامىر بارلىق ۇرپاق وكىلدەرى ءۇشىن وتانعا دەگەن ادالدىقتىڭ, قاھارماندىق پەن ەرلىكتىڭ بەلگىسى رەتىندە تاريحىمىزدان ايشىقتى ورنىن العان قاسيەتتى كۇن بولىپ تابىلادى. سوعىس ارداگەرلەرىنىڭ قاتارىندا پروكۋراتۋرا ورگاندارى ساپىنان مايدانعا اتتانعان اعالارىمىز كوپ. الايدا, سولاردىڭ تالايى شايقاس دالاسىنان ورالمادى. ولاردىڭ جاساعان ەرەسەن ەرلىكتەرى مەن جانقيارلىق شايقاستارى جۇرەگىمىزدەن ماڭگىلىك ورىن الادى», – دەدى ول.
وتان قورعاۋشىلار كۇنى قارساڭىندا مەملەكەت باسشىسىنىڭ جارلىعىمەن پروكۋراتۋرا ورگاندارىنىڭ بىرقاتار باسشىلارى جوعارى سىنىپتىق شەندەرگە يە بولىپ, مەملەكەتتىك ناگرادالارمەن ماراپاتتالدى.
اتاپ ايتساق, 3-دارەجەلى مەملەكەتتىك ادىلەت كەڭەسشىسى سىنىپتىق شەنى باس كولىك پروكۋرورى ىبىراي تىلەۋعالەەۆكە, اقتوبە وبلىسىنىڭ پروكۋرورى نۇرعالىم ابدىروۆكە, اقمولا وبلىسىنىڭ پروكۋرورى مۇراتبەك يسادىلوۆكە, الماتى وبلىسىنىڭ پروكۋرورى عابيت ميرازوۆقا, شىعىس قازاقستان وبلىسىنىڭ پروكۋرورى باعبان تايىمبەتوۆكە, اتىراۋ وبلىسىنىڭ پروكۋرورى عالىمجان توعىزباەۆقا جانە باس پروكۋراتۋرانىڭ 3-ءشى دەپارتامەنتىنىڭ باستىعى تيمۋر تاشىمباەۆقا تاپسىرىلدى.
II دارەجەلى «داڭق» وردەنىمەن استانا قالاسىنىڭ پروكۋرورى سابىرجان بەكبوسىنوۆ پەن باتىس قازاقستان وبلىسىنىڭ پروكۋرورى سەرىك قارامانوۆ ماراپاتتالدى. ءى دارەجەلى «ايبىن» وردەنىمەن پاۆلودار وبلىسى پروكۋرورىنىڭ اعا كومەكشىسى قايرات ابىلقاسوۆ ماراپتتالدى. ءىى دارەجەلى «ايبىن» وردەنىمەن باس پروكۋراتۋرانىڭ 5-ءشى دەپارتامەنتىنىڭ باستىعى روزا دوسىمبەكوۆا, شىعىس قازاقستان وبلىسى پروكۋرورىنىڭ ورىنباسارى ۆاسيلي ولەينيك, جامبىل وبلىسى پروكۋرورىنىڭ ورىنباسارى بەرىك قۇلتاسوۆ, ماڭعىستاۋ وبلىسى پروكۋرورىنىڭ ورىنباسارى اسقار دوسەكەنوۆ ماراپتتالدى. «جاۋىنگەرلىك ەرلىگى ءۇشىن» مەدالى باس اسكەري پروكۋروردىڭ اعا كومەكشىسى داۋلەت بەكەنوۆكە تاپسىرىلدى.
قىزمەتتىك پارىزدارىن ۇلگىلى اتقارعاندارى ءۇشىن باس پروكۋرور ورتالىق اپپاراتتىڭ بىرقاتار قىزمەتكەرلەرىنە سىنىپتىق شەندەر مەن ۆەدومستۆولىق ناگرادالار تاپسىرىپ, ماراپاتتادى.
سالتاناتتى جيىنعا قاتىسقان قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆ باس پروكۋراتۋرانىڭ قۇرىلىمدىق بولىمشەلەرىنىڭ باسشىلارىنا «قازاقستان حالقى اسسامبلەياسىنا 20 جىل» مەرەيتويلىق مەدالىن تاپسىردى.
مەرەكەلىك ءىس-شارا پروكۋراتۋرا ورگاندارىنىڭ قىزمەتكەرلەرى ازىرلەگەن كونتسەرتكە ۇلاستى.
ەلامان قوڭىر.
دەرەك, سۋرەت: باس پروكۋراتۋرانىڭ ءباسپاسوز قىزمەتى.