قازاقستان كۆوتاسىمەن وزگە ەل ازاماتتارىن قاجىلىققا اپارعاندارعا قازاقستان جانە ساۋد ارابياسى تاراپىنان زاڭدى شارالار قولدانىلادى. بۇل تۋرالى استانادا وتكەن 2026 جىلعى قاجىلىقتى ۇيىمداستىرۋعا ارنالعان كەڭەيتىلگەن جينالىستا ايتىلدى, دەپ حابارلايدى Egemen.kz.
قازاقستان قاجىلىق ميسسياسى مەن رەسمي تۋروپەراتورلار قاتىسقان باسقوسۋدا بيىلعى قاجىلىق ساپارىنىڭ باستى تالاپتارى مەن قاۋىپسىزدىك ماسەلەلەرى پىسىقتالدى.
جيىندى اشقان ميسسيا توراعاسى كەنجەتاي بايكەمەل ۇلى بيىلعى قاجىلىقتىڭ باستى ماقساتى – وتانداستارىمىز ءۇشىن قاجىلىقتى رۋحاني مازمۇندى ءارى ۇيىمداستىرۋ جاعىنان ءمىنسىز وتكىزۋ ەكەنىن اتاپ ءوتتى. قاسيەتتى ساپاردىڭ بارىنشا قولايلى ءارى قاۋىپسىز بولۋى ءۇشىن بىرنەشە نەگىزگى باعىت بويىنشا جۇمىس جۇرگىزىلمەك.
قاجىلىق ساپارى: ەل ازاماتتارى ءۇشىن قاۋىپسىز اۋە باعىتتارى ۇيىمداستىرىلادى
قمدب تۋروپەراتورلارعا ەسكەرتۋ جاسادىبيىل قاجىلىقتى ۇيىمداستىرۋعا رۇقسات العان 14 وتاندىق تۋروپەراتور باسشىلىعىنا قازاقستان جانە ساۋد ارابياسى تاراپىنىڭ قاجىلىق ماۋسىمىنا بايلانىستى بىرقاتار ماڭىزدى ەسكەرتۋلەرى مەن تالاپتارى ءتۇسىندىرىلدى. سولاردىڭ ىشىندە ءاربىر قاجى قازاقستان اۋماعىنان تەك رەسمي تۋركودپەن شىعۋى كەرەك. بۇل شارالار قاجىلىق ارناسىندا زاڭسىزدىقتى الدىن الۋعا باعىتتالعان.
قاجىلىق ساپارى الاياقتىقتان قاشان ارىلادى؟
سونداي-اق, قازاقستاندىق كۆوتامەن وزگە ەل ازاماتتارىن قاجىلىققا اپارعاندارعا قازاقستان جانە ساۋد ارابياسى تاراپىنان زاڭدى شارالار قولدانىلادى. قاجىلىقتى تەك مەملەكەتتىك ليتسەنزياسى مەن قمدب رۇقساتى بار كومپانيالار عانا جۇزەگە اسىرادى. بۇل ءىس-ارەكەتتەر قاجىلاردىڭ قۇلشىلىعىن تىنىش ءارى رەتتەلگەن جاعدايدا وتكىزۋگە جاعداي جاسايدى.
«Qajy ءGuide» موبيلدى قوسىمشاسى تانىستىرىلدىجيىن بارىسىندا قاجىلارعا ارنالعان «Qajy ءGuide» موبيلدى قوسىمشاسىنىڭ جۇمىسى تانىستىرىلدى. بۇل سەرۆيستىك جۇيە قاجىلارعا ساپار بارىسىندا اقپاراتتىق جانە تەحنيكالىق كومەك كورسەتۋدى جەڭىلدەتپەك. سونىمەن قاتار, قاجىلاردىڭ مىندەتتى ۆاكتسيناتسيالانۋى مەن دەنساۋلىق ساقتاۋ حاتتامالارىنىڭ ورىندالۋى باقىلاۋعا الىندى.