قازاقستاندا قارىزى بار ازاماتتاردىڭ بانك شوتتارىن تولىق بۇعاتتاۋ تاجىريبەسى وزگەرەدى. ەندى بۇدان بىلاي شوتقا تولىق تىيىم سالىنباي, تەك بەرەشەك سوماسى شەگىندە عانا شەكتەۋ قويىلادى, دەپ حابارلايدى Egemen.kz.
ادىلەت ۆيتسە-ءمينيسترى بەكبولات مولدابەكوۆ جاڭا وزگەرىستەردى ءتۇسىندىردى.
ونىڭ ايتۋىنشا, بۇعان دەيىن ازاماتتاردىڭ بەلگىلى ءبىر قارىزى, مىسالى ايىپپۇل بولعان جاعدايدا, بانكتەر بۇكىل شوتتى بۇعاتتاپ كەلگەن. ەندى بۇل ءتارتىپ قايتا قارالىپ, جەكە سوت ورىنداۋشىسى تەك قارىز سوماسىنا عانا شەكتەۋ قويا الادى.
«ازاماتتاردىڭ بۇكىل شوتى بۇدان بىلاي بۇعاتتالمايدى. ءبىز بۇل جۇيەنى بانكتەرمەن بىرلەسىپ جەتىلدىرىپ جاتىرمىز, ءتيىستى حاتتار جولداندى. جاقىن ۋاقىتتا بۇل تەتىك ىسكە قوسىلادى», دەدى ۆيتسە-مينيستر.
بانك شوتىڭىز بۇعاتتالسا نە ىستەۋ كەرەك؟
ايتا كەتەيىك, بۇل نورما 2023 جىلدان بەرى تالقىلانىپ كەلگەن. سونىمەن قاتار, بۇعان دەيىن ازاماتتاردىڭ سالىق بويىنشا 86,5 مىڭ تەڭگەدەن اساتىن بەرەشەگى بولسا, شوتتارىنا شەكتەۋ قويىلاتىنى حابارلانعان ەدى.