اتىراۋ وبلىسىنىڭ جانگەلدين اۋىلىندا قاراباليندەر اۋلەتىنىڭ مۇشەلەرىن ءولتىرۋ دەرەگى بويىنشا تەرگەۋ بارىسىنا قاتىستى جاڭا مالىمەتتەر بەلگىلى بولدى. پروكۋراتۋرانىڭ حابارلاۋىنشا, كۇدىكتى سۇلتان سارسەماليەۆ قىلمىستى ءبىر ۋاقىتتا ەمەس, كەزەڭ-كەزەڭىمەن جاساعان. ءبىرىنشى وقيعا مامىر ايىندا تىركەلسە, قالعان ءۇش ادام قاراشا ايىندا قازا تاپقان, دەپ حابارلايدى Egemen.kz.
تەرگەۋ دەرەكتەرىنە سايكەس, كۇدىكتى قىلمىستى جالعىز ءوزى جاساعان, ءۇشىنشى تۇلعالاردىڭ قاتىسى جوق. سوت-پسيحياتريالىق ساراپتاما قورىتىندىسى بويىنشا سۇلتان سارسەماليەۆ ەسى دۇرىس دەپ تانىلىپ, ءوز ارەكەتتەرى ءۇشىن جاۋاپ بەرە الاتىنى انىقتالعان.
اتىراۋداعى ەرلى-زايىپتىنىڭ ءولىمى: كۇدىكتىنى ۇستاۋ ساتىنەن فوتو-ۆيدەو جاريالاندى
اتىراۋ وبلىسى پروكۋراتۋراسى وكىلىنىڭ ايتۋىنشا, قازا تاپقانداردىڭ دەنەسىنەن اس پىشاعىمەن سالىنعان بىرنەشە پىشاق جاراقاتى تابىلعان.
ء«اربىر جابىرلەنۋشىنىڭ كەۋدە, مويىن جانە ومىرلىك ماڭىزدى مۇشەلەر تۇسىنان التىدان استام جاراقات سالىنعان», دەلىنگەن مالىمەتتە.
ال اقبايان مۇقانعاليەۆاعا قاتىستى سوت-پسيحياتريالىق ساراپتاما قورىتىندىسى ءالى تولىق دايىن ەمەس. ونىڭ پسيحيكالىق جاعدايىن ناقتى انىقتاۋ ءۇشىن الماتى قالاسىندا قايتا ساراپتاما تاعايىندالعان.
اتىراۋداعى قاندى وقيعا: تاعى دا ەكى ادامنىڭ ءمايىتى تابىلدى
قازا بولعانداردىڭ تۋىستارى ءىستىڭ اشىق سوتتا قارالۋىن تالاپ ەتىپ وتىر. ولاردىڭ ايتۋىنشا, سوت بارىسىندا بارلىق ءمان-جاي تولىق ايتىلۋى ءتيىس.
قىلمىستىق ءىس الداعى مامىر ايىندا سوتقا جولدانۋى مۇمكىن. تەرگەۋ جالعاسىپ جاتىر.