توتەنشە جاعدايلار مينيسترلىگىنىڭ مالىمەتىنشە, ەلدى مەكەندە جاۋىن-شاشىننىڭ كوپ تۇسۋىنەن ارىق ارناسىنان اسىپ كەتكەن. دەگەنمەن, اۋىل ءۇشىن اسا اۋىر زارداپتاردىڭ الدىن الۋ مۇمكىن بولعان, دەپ حابارلايدى Egemen.kz.
ۆەدومستۆونىڭ حابارلاۋىنشا, تۇرعىن ۇيلەردى قورعاۋ ماقساتىندا ينەرتتى ماتەريال سالىنعان 1 500 قاپ توسەلگەن. سونىمەن قاتار ارىق تەرەڭدەتىلىپ, سۋ ارنايى كانالعا جانە شابىندىق القاپتارعا بۇرىلعان. بارلىعى 1 178 تەكشە مەتر سۋ سورىپ شىعارىلعان.
سالدارىن جويۋ جۇمىستارىنا تجد مەن جەرگىلىكتى قىزمەتتەردىڭ شامامەن 320 مامانى, 13 موتوپومپا جانە 17 تەحنيكا جۇمىلدىرىلعان.
سۋ تاسقىنى: اقمولا وبلىسىندا جاعداي قالاي؟
بۇعان دەيىن شىعىس قازاقستان وبلىسىنداعى پراپورششيكوۆو اۋىلى تۇرعىندارى دا الاڭداۋشىلىق بىلدىرگەن. كوكتەمگى سۋ دەڭگەيىنىڭ كوتەرىلۋىنەن ەرتىس وزەنىنە جاقىن ورنالاسقان كوشەدە توپىراق وپىرىلىپ تۇسە باستاعان.
تۇرعىندار ۇيلەردىڭ وزەنگە قۇلاپ كەتۋىنەن قاۋىپتەنگەن ەدى. كەيىن وبلىس اكىمدىگى جاعداي باقىلاۋدا ەكەنىن ايتىپ, ماماندار جاعالاۋدى بەكىتۋ جۇمىستارىن جالعاستىرىپ جاتقانىن حابارلادى.