الماتى وبلىسىندا سوققىعا جىعىلعان جىگىت قازا تاپتى: كۇدىكتىلەر قىلمىستى جاسىرماق بولعان

قايعىلى وقيعا 10 مامىر كۇنى «ەدەلۆەيس» كافەسىندە بولعان. تۋىستارىنىڭ مالىمەتىنشە, باحروم سول كۇنى جۇمىسقا بارعان. كەيىن ونىڭ دوسىمەن اراسىندا 70 مىڭ تەڭگە تابىسقا بايلانىستى جانجال شىققان.

وتباسى وكىلدەرىنىڭ ايتۋىنشا, 20:18 بەن 21:04 ارالىعىندا جىگىت اياۋسىز سوققىعا جىعىلعان. الدىن الا مالىمەت بويىنشا, كۇدىكتى ونىڭ باسىنان دوعال زاتپەن ۇرعان. ساراپتامانىڭ باستاپقى قورىتىندىسىندا مارقۇمنىڭ كوكباۋىرى جارىلىپ, كەيىن قان ارالاس قۇسقانى كورسەتىلگەن.

تۋىستارى جەدەل جاردەم جەتكەنگە دەيىن وقيعا ورنىنداعى قان ىزدەرى تازالانعان بولۋى مۇمكىن ەكەنىن ايتادى. سونداي-اق ولاردىڭ سوزىنشە, زارداپ شەگۋشىنىڭ كيىمى دە اۋىستىرىلعان. ال جەدەل جاردەم قىزمەتى تەك 21:04-تە شاقىرىلعان.

كەيىن باحروم اۋرۋحاناعا جەتكىزىلگەنىمەن, دارىگەرلەر ونىڭ كوز جۇمعانىن راستاعان.

الماتى وبلىسىندا جاس جىگىت بيىكتەن قۇلاپ كوز جۇمدى

ال وقيعاعا قاتىسى بار دەگەن ەكى جىگىت «ول جاي عانا قۇلاپ قالدى» دەپ تۇسىنىكتەمە بەرگەن.

الماتى وبلىستىق پوليتسيا دەپارتامەنتى اتالعان دەرەك بويىنشا سوتقا دەيىنگى تەرگەۋ باستالعانىن حابارلادى.

ەسكە سالايىق, بۇعان دەيىن الماتى وبلىسىندا ءجاسوسپىرىم 12 جاستاعى بالانى قاعىپ كەتكەنى تۋرالى جازعانبىز.