قىزىلوردالىقتار اسكەري سپورت تۇرلەرىنەن سىنعا ءتۇستى

قىزىلوردا. 7 مامىر. قالادا مەكتەپ وقۋشىلارىنىڭ اراسىندا ۇلى جەڭىستىڭ 70 جىلدىق مەرەكەسىنە وراي وبلىستىق ءبىلىم باسقارماسىنىڭ كۋبوگى ءۇشىن جەڭىل اتلەتيكا مەن اسكەري-قولدانبالى سپورت تۇرلەرىنەن جارىس ءوتتى. بۇل تۋرالى egemen.kz ءتىلشىسى حابارلادى. وعان 500-دەن اسا وقۋشى قاتىستى. 7 شاقىرىمدىق قاشىقتىققا جۇگىرۋدەن №198 مەكتەپتىڭ كومانداسى الدارىنا جان سالماسا, جۇلدەلى ەكىنشى, ءۇشىنشى ورىنداردى №39, №173 مەكتەپ ۇجىمدارى يەلەندى. ال اسكەري قولدانبالى سپورت تۇرلەرى بويىنشا №136 مەكتەپ كومانداسى جەڭىمپاز اتاندى. №257 مەكتەپ ەكىنشى, №222 مەكتەپ ۇزدىك ۇشتىكتى قورىتىندىلادى.  ايتا كەتەيىك, ماراپاتتاۋ راسىمىنە ۇلى وتان سوعىسىنىڭ ارداگەرلەرى قاتىسىپ, جەڭىمپازدار مەن جۇلدەگەرلەردى ماراپاتتادى. ەرجان بايتىلەس. دەرەك, سۋرەت: egemen.kz