قىتايدىڭ حاربين قالاسىندا وتكەن IX قىسقى ازيا ويىندارىندا ۇزدىك ناتيجە كورسەتكەن وتاندىق سپورتشىلاردى قولداۋ ماقساتىندا ۇكىمەت قاۋلىسىمەن 372,6 ميلليون تەڭگە ءبولىندى, دەپ جازادى Egemen.kz.
قارجىلاي سىياقىلار ازيا دوداسىندا جوعارى جەتىستىككە جەتكەن 85 سپورتشى مەن 32 جاتتىقتىرۋشىعا بەرىلدى. اق ازيادادا جەرلەستەرىمىز 4 التىن, 9 كۇمىس جانە 7 قولا مەدال جەڭىپ الىپ, جالپىكوماندالىق ەسەپتە 34 ەلدىڭ ىشىندە 4-ورىنعا تۇراقتاعان ەدى. ەل قورجىنىنا التىن جۇلدەلەردى بياتلوننان جەكەلەي سىندا ونەر كورسەتكەن ۆلاديسلاۆ كيرەەۆ, فريستايل-اكروباتيكاداعى سينحروندى سەكىرۋ جۇبى, شورت-ترەك سپورتىنان 5000 مەترلىك ەستافەتا كومانداسى جانە شايبالى حوككەيدەن ەرلەر قۇراماسى سالعان بولاتىن.
مەملەكەت باسشىسىنىڭ تاپسىرماسى اياسىندا حالىقارالىق ارەنادا ەل تۋىن كوككە كوتەرگەن جەڭىمپازدار مەن جۇلدەگەرلەردى ماراپاتتاۋ سپورتتى دامىتۋعا ارنالعان ماڭىزدى باعىتتىڭ ءبىرى بولىپ وتىر.