ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى قىزمەتى كولىك ۆيتسە-ءمينيسترى ءساتجان ابلاليەۆتىڭ ۇستالعانىن راستادى, دەپ حابارلايدى Egemen.kz.
«ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى قىزمەتى كولىك ۆيتسە-ءمينيسترىن پارا الدى دەگەن كۇدىكپەن ۇستادى جانە سوت سانكتسياسىمەن قاماۋعا الدى», دەلىنگەن حابارلامادا.
قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە مالىمەتتەر جاريا ەتىلمەيدى.
ەسكە سالا كەتەيىك, ءساتجان ابلاليەۆتىڭ ۇستالعانى تۋرالى اقپارات 2 تامىزدا پايدا بولدى.ول كەزدە ونىڭ پارا الدى دەگەن كۇدىككە ىلىنگەنى حابارلانعان بولاتىن.
ءساتجان ابلاليەۆ 1970 جىلى اتىراۋ وبلىسىندا دۇنيەگە كەلگەن. الماتى اۆتوموبيل-جول ينستيتۋتىن جانە قازاق تەمىر جول جانە كوممۋنيكاتسيا ۋنيۆەرسيتەتىن بىتىرگەن.
ابلاليەۆ 2023 جىلدىڭ قازان ايىنان بەرى كولىك ۆيتسە-ءمينيسترى قىزمەتىن اتقارعان. وعان دەيىن سولتۇستىك قازاقستان وبلىسى اكىمىنىڭ ورىنباسارى قىزمەتىن اتقارىپ, اۆتوموبيل جولدارى كوميتەتىندە جۇمىس ىستەگەن.