اتىراۋدا اكىمشىلىك قۇقىقبۇزۋشىلىقتار جونىندەگى سوتىنىڭ قاۋلىسىن ورىنداۋدان جالتارعان شەتەلدىكتەر انىقتالدى, دەپ حابارلايدى Egemen.kz.
جەرگىلىكتى پوليتسەيلەر شەتەل ازاماتتارىنىڭ كوشى-قون جونىندەگى زاڭدى ساقتاۋىن باقىلاۋ, زاڭسىز كوشى-قون ارنالارىن اشكەرەلەۋ ماقساتىندا ىزدەستىرۋ ءىس-شاراسىن ۇيىمداستىردى.
«پوليتسيا قىزمەتكەرلەرى ءىس-شارا كەزىندە 150-دەن استام شەتەل ازاماتىن تەكسەردى. سونىڭ ناتيجەسىندە قازاقستان رەسپۋبليكاسىنا كەلىپ-كەتۋ زاڭناماسىن بۇزعانى ءۇشىن 83 شەتەلدىككە اكىمشىلىك قۇقىق بۇزۋشىلىق تۋرالى كودەكسىنىڭ 517 جانە 518-بابىمەن حاتتاما تولتىرىلدى. سونداي-اق, 27 شەتەل ازاماتىنىڭ تۇرعىلىقتى مەكەنجايى انىقتالدى. سوت شەشىمىمەن ولار ەل اۋماعىنان ءماجبۇرلى تۇردە شىعارىلدى», دەپ حابارلادى دەپارتامەنتتىڭ ءباسپاسوز قىزمەتى.