فيليپپيندە مەكتەپ وقۋشىلارىنا ارنالعان الەمدەگى باستى زياتكەرلىك سايىستاردىڭ ءبىرى – حالىقارالىق بيولوگيا وليمپياداسى (International Biology Olympiad, IBO-2025) ءوز مارەسىنە جەتتى. بيىل بۇل دوداعا 80 ەلدەن 320-دان استام دارىندى جاس قاتىستى, دەپ حابارلايدى Egemen.kz.
قازاقستان قۇراماسىنىڭ بارلىق ءتورت مۇشەسى قولا مەدال يەلەنىپ, 100 پايىزدىق كوماندالىق ناتيجە كورسەتتى:
ەرسۋلتان قايىركەن – پاۆلودار وبلىسىنداعى ء«بىلىم-يننوۆاتسيا» ليتسەي-ينتەرناتىنىڭ 10-سىنىپ وقۋشىسى; باتىر ەرجان ۇلى – وسكەمەن قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى; ايعانىم بالتاشەۆا – استانا قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى; اليحان اشىرحانوۆ – الماتى قالاسىنداعى ء«بىلىم-يننوۆاتسيا» ليتسەي-ينتەرناتىنىڭ 8-سىنىپ وقۋشىسى.كوماندانىڭ عىلىمي جەتەكشىلەرى – وتاندىق عىلىمدى بەلسەندى دامىتىپ جۇرگەن جاس بيولوگ-عالىمدار لەيلا اسقاروۆا مەن يلياس ساكيموۆ.
IBO-2025 وليمپياداسى ەكى كەزەڭنەن تۇردى:
تەوريالىق تۋر – مولەكۋلالىق جانە جاسۋشالىق بيولوگيا, گەنەتيكا, ەكولوگيا, ەۆوليۋتسيا جانە بيوجۇيەلەۋ بويىنشا كۇردەلى ەسەپتەردى شەشۋ. پراكتيكالىق تۋر – زەرتحانالىق جۇمىستار, ميكروسكوپيا, ۇلگىلەرمەن جۇمىس ىستەۋ جانە بيولوگيالىق پروتسەستەردى تالداۋ.قازاقستان 1994 جىلدان بەرى IBO وليمپياداسىنا قاتىسىپ كەلەدى. وسى ۋاقىت ىشىندە ۇلتتىق قۇراما 2 التىن, 18 كۇمىس جانە 56 قولا مەدال, سونداي-اق 12 قۇرمەت گراموتاسىن جەڭىپ الدى. ەسكە سالا كەتەيىك, 2024 جىلى قازاقستان بۇل وليمپيادانى ءوزى قابىلداپ, تاعى دا 100 پايىزدىق ناتيجەگە قول جەتكىزگەن بولاتىن.