ەلىمىزدە مەملەكەتتىك اۋديت جۇيەسى اۋقىمدى تسيفرلى جاڭعىرۋ كەزەڭىنە قادام باستى. بۇل جاڭعىرۋ ەسەپ-قيساپ سالاسىنىڭ اشىقتىعى مەن تيىمدىلىگىن ارتتىرىپ قانا قويماي, مەملەكەتتىك قارجىنى باسقارۋداعى جاڭا مادەنيەتتى قالىپتاستىرۋدى كوزدەيدى. قارجى مينيسترلىگى ىشكى مەملەكەتتىك اۋديت كوميتەتى ەنگىزگەلى وتىرعان جاڭا تسيفرلى قۇرالدار كامەرالدى باقىلاۋ جۇيەسىن مۇلدە جاڭا دەڭگەيگە كوتەرمەك, دەپ جازادى Egemen.kz.
مەملەكەتتىك اۋديت تەكسەرۋ جانە جازالاۋ ەمەس, ەڭ الدىمەن الدىن الۋ ەكەنىن ەسكەرسەك, پروفيلاكتيكالىق باقىلاۋ مەن بيۋدجەت مونيتورينگىنىڭ تولىق تسيفرلانۋى – ۋاقىت تالابى. جاڭا راسىمدەر مەملەكەتتىك ورگاندار مەن ولاردىڭ باعىنىشتى مەكەمەلەرى اراسىنداعى ءوزارا بايلانىسقا سەرپىن بەرىپ, جۇمىس ۇدەرىستەرىن جەدەلدەتەدى. بۇل ءوز كەزەگىندە بيۋدجەت قارجىسىنىڭ اشىق ءارى ماقساتتى جۇمسالۋىن قامتاماسىز ەتەدى.
تسيفرلى كابينەت پەن «اقىلدى» قالقان
ىشكى اۋديت جۇيەسىن كەشەندى تسيفرلاندىرۋ اياسىندا قوس بىردەي ماڭىزدى جوبا قولعا الىندى. ونىڭ ءبىرى – «اۋديتوردىڭ بىرىڭعاي كابينەتى». بۇل جوبا ىماك پەن ونىڭ وڭىرلىك دەپارتامەنتتەرى ءۇشىن بىرىڭعاي تسيفرلى باسقارۋ ورتالىعىنا اينالىپ وتىر. بارلىق بيزنەس-پروتسەستەر مەن اقپارات جۇيەلەرى ءبىر تەرەزە قاعيداسى بويىنشا ينتەگراتسيالانىپ, جۇمىستىڭ تيىمدىلىگى مەن اشىقتىعىن ارتتىرادى.
ەكىنشى باستاما – «اۋديتور قالقانى ءAى». بۇل — اۋديتورلاردى قاشىقتان وقىتىپ, سەرتيفيكاتتاۋعا ارنالعان ينتەللەكتۋالدى جۇيە. جوبا مەملەكەتتىك اۋديت سالاسىنداعى كادرلىق الەۋەتتى كۇشەيتۋدى جانە ۇزدىكسىز بىلىكتىلىكتى قامتاماسىز ەتۋدى ماقسات ەتەدى.
اتالعان باستامالاردىڭ بارلىعى قارجى ءمينيسترى ءمادي تاكيەۆ بەكىتكەن ىماك-ءتىڭ تسيفرلاندىرۋ جونىندەگى جول كارتاسى اياسىندا جۇزەگە اسىرىلىپ جاتىر. قۇجات 30 ناقتى ءىس-شارانى قامتيدى. وندا تالداۋ الەۋەتىن نىعايتۋ, دەرەكتەرمەن جۇمىس ساپاسىن جاقسارتۋ جانە تسيفرلى اۋديت قۇرالدارىن دامىتۋعا باسىمدىق بەرىلگەن.
ىماك توراعاسىنىڭ ورىنباسارى مۇرات ورازبايدىڭ ايتۋىنشا, تسيفرلى جاڭعىرۋ ءساتتى ءوتۋى ءۇشىن كوميتەت «ەلەكتروندىق قارجى ورتالىعى» اق-مەن بىرلەسكەن جۇمىس سەسسيالارىن وتكىزگەن.
«تسيفرلى ترانسفورماتسيا ءساتتى ءوتۋى ءۇشىن كوميتەت «ەلەكتروندىق قارجى ورتالىعى» اق-مەن ارنايى جۇمىس سەسسيالارىن وتكىزدى. بۇل قارجى مينيسترلىگىنىڭ اقپارات جۇيەلەرىن ازىرلەۋشىلەرمەن ۇيلەسىمدى جۇمىستى جولعا قويىپ, ءبىزدىڭ مىندەتتەردى تسيفرلى ينفراقۇرىلىم مۇمكىندىكتەرىمەن بىرىزدەندىرۋگە سەپتىگىن تيگىزدى», دەدى ول.