ارقالىق قالاسىنىڭ تۇرعىنى ماحامبەت يمانقۇل ءوزى تۇراتىن كوپقاباتتى ءۇيدىڭ اۋلاسىنا گۇل ءوسىرىپ, الا جازداي كۇتىپ, باپتاپ ۇستاپ وتىر. كۇنارا ءارامشوبىن ج ۇلىپ, سۋارىپ تۇرادى.
باعبان سۋدى دايىن كراننان المايدى. بەلەسەبەتىنە ءمىنىپ قالانىڭ ىرگەسىندەگى جاساندى سۋقويماسىنان تاسيدى.
ء«بىر بارعاندا 5 ليترلىك 5-6 قۇتى سۋ اكەلەمىن. ۇيگە كەلىپ تۇرعان سۋدىڭ قۇرامىندا حلور بولادى, ول – وسىمدىككە زيان. بەس جىلدان بەرى گۇل وسىرۋمەن اينالىسىپ كەلەمىن. تۇرعان جەرىنىڭ تازا, جيناقى بولعانى بارىنە جاقسى عوي. جان-جاعىما كىشكەنە بولسا دا تيگىزگەن پايدام بولسىن دەپ ءوز قولىممەن ەككەن گۇلدەر عوي, انادايدان جايقالىپ تۇرعانىن كورىپ كوز قۋانادى», دەيدى ماحامبەت يمانقۇل.
تۇرعىننىڭ ايتۋىنشا, ارقالىقتا ءوزى سياقتى گۇل وسىرەتىن ادامدار بارشىلىق. ماسەلەن, اباي داڭعىلى بويىنداعى 50-ءۇيدىڭ تۇرعىندارى دا اۋلاسىن تاپ-تۇيناقتاي ەتىپ, گۇل ءوسىرىپ, كوپكە ۇلگى كورسەتىپ وتىر. اسىرەسە جاڭىلاي احمەتوۆا, تاتيانا دۋتكوۆسكايا سياقتى زەينەتكەرلەر ۇيلەرىنىڭ اينالاسىن گۇلدەندىرىپ, جايناتىپ وتىر.
«ادامنىڭ اينالاسى تازا بولسا, بويى دا, ويى دا سەرگەك بولادى. «تازا قازاقستان» ەكولوگيالىق باعدارلاماسىنىڭ باستى ماقساتى دا – وسى عوي. قازىر جۇرتتىڭ كوبى تابيعات الدىنداعى جاۋاپكەرشىلىكتى سەزىنىپ, ءوزى تۇرىپ جاتقان جەردى تازا ۇستايتىن بولدى. جالپى, تازالىققا كوز ۇيرەنگەن جاقسى عوي», دەيدى باعبان.
قوستاناي وبلىسى