ەلىمىزدىڭ الەۋمەتتىك جوباسىن ىسكە اسىرۋ شەڭبەرىندە جاساقتالعان «سالاماتتى قازاقستان» مەديتسينالىق پويىزى قوستاناي وبلىسىنىڭ «دەنيسوۆكا» ستانساسىنا كەلدى.
ءارتۇرلى بەيىندەگى 30 مەديتسينا قىزمەتكەرىنەن تۇراتىن كوماندا قۇرامىندا تەراپەۆتەر, حيرۋرگتەر, پەدياترلار, كارديولوگتەر, نەۆروپاتولوگتەر, لور دارىگەرلەرى, وفتالمولوگتەر, ستوماتولوگتەر, گينەكولوگتەر, ۋرولوگتەر, پسيحولوگتەر جانە فۋنكتسيونالدىق دياگنوستيكا ماماندارى بار. سونداي-اق ەمدەلۋشىلەرگە ەكگ, فليۋوروگرافيا, گاستروسكوپيا, زەرتحانالىق زەرتتەۋلەر دە قولجەتىمدى. قاجەت بولسا, شاعىن حيرۋرگيالىق ەم-دوم جاساۋعا مۇمكىندىكتەرى بار. مارشرۋتپەن قامتىلعان ەلدى مەكەندەردىڭ تۇرعىندارى مەديتسينالىق ساقتاندىرۋدىڭ بولۋىنا قاراماستان تەگىن كەڭەس پەن دياگنوستيكالىق تەكسەرۋلەر جاساتا الادى.
بۇل جوبانىڭ ماقساتى – اۋىل تۇرعىندارىن ساپالى جانە قولجەتىمدى مەديتسينالىق كومەكپەن قامتاماسىز ەتۋ. جوبا دەنساۋلىق ساقتاۋ مينيسترلىگىنىڭ, «Samruk-Kazyna Trust» قورىنىڭ, سونداي-اق پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ىسكە اسىرىلىپ وتىر.
پويىز «دەنيسوۆكا» ستانساسىندا بىرنەشە كۇن ايالدايدى, ودان سوڭ مارشرۋت بويىنشا قوستاناي وبلىسىنىڭ باسقا اۋداندارىنا ساپارىن جالعاستىرادى.