پاۆلودار. 7 مامىر. وبلىس ورتالىعىندا وتان قورعاۋشىلار مەرەكەسى كۇنى سوعىس جانە ەڭبەك ارداگەرلەرى, جاس ساربازدار مەن قالا تۇرعىندارى داڭق اسكەري ساياباعىندا سوعىستا قازا بولعاندارعا ارنالعان ەسكەرتكىشكە گۇل شوقتارىن قويدى. بۇل تۋرالى egemen.kz ءتىلشىسى حابارلادى.
سوعىس كەزىندە قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الدى. وسىدان ءبىر كۇن بۇرىن وسى ساياباقتا قالا اكىمدىگى 7 سوعىس ارداگەرىنە جاڭا پاتەر كىلتتەرىن تابىس ەتكەن بولاتىن. بۇدان كەيىن ارداگەرلەر وبلىستىق مۋزەيدە اشىلعان «ەرلىكتىڭ ۇلگىسى» اتتى فوتودەرەكتى كورمەمەن تانىستى.
وسى جەردە بالالار ءۇيىنىڭ تاربيەلەنۋشىلەرىنىڭ قاتىسۋىمەن «ەلىن قورعاۋ – ەرگە سەرت» اتتى كونتسەرت قويىلدى. ودان كەيىن ارداگەرلەر ورتالىق الاڭدا ورنالاسقان ۇلكەن مونيتور ەكراننان استاناداعى اسكەري پارادتىڭ تىكەلەي كورسەتىلىمىن تاماشالادى.
اسكەري پارادتى كورۋگە مونيتور الدىنا قالا تۇرعىندارى, قولدارىنا جالاۋشا, شارلار كوتەرگەن جاستار جينالدى. «ءبىز ەكران ارقىلى ەلىمىزدىڭ اسكەري قۋاتىنىڭ قانشالىقتى مىقتى, تەگەرۋىندى كۇشكە اينالعانىن كورىپ تاڭقالدىق. بۇگىنگى اسكەري شەرۋ ەلىمىزدىڭ ارمياسىنىڭ كۇش-قۋاتىن پاش ەتتى. استانادا وتان قورعاۋشىلار كۇنى مەن جەڭىستىڭ 70 جىلدىعىنا ارنالعان پاراد ءبىزدىڭ ەسىمىزدە ماڭگى قالادى», دەيدى «زامانداس» ارداگەرلەر ۇيىمىنىڭ باسشىسى قابيبولللا شاكارىموۆ.
سونىمەن بىرگە ۆيتالي حان, پاۆەل مالتسەۆ, ماتە باكتياروۆ سياقتى سوعىس جانە ەڭبەك ارداگەرلەرى دە تاڭدانىستارىن جاسىرماي, ەلىمىزدىڭ اسكەري كۇشىنىڭ سەنىمدى قولدا, مىعىم ەكەندىكتەرىنە قۋاناتىندارىن جەتكىزدى. تىكەلەي كورسەتىلىمنەن سوڭ, سوعىس جانە ەڭبەك ارداگەرلەرى, قالا تۇرعىندارى ورتالىق الاڭداعى مەرەكەلىك كونتسەرتتى تاماشالادى. سوعىس جىلدارىنداعى اندەردى شىرقاپ, «جەڭىس ءۆالسىن» بيلەدى.
ودان كەيىن «دوستىق ۇيىندە» «جەنiمپازدار-پوبەديتەلي» اتتى جەڭىستىڭ 70 جىلدىعىنا ارنالعان ەستەلىك جاڭا كىتاپتىڭ تۇساۋكەسەرىنە قاتىستى.
قازىر وبلىس ورتالىعىندا «جەڭىسكە دەيىن 30 كۇن» اتتى شارالار وتۋدە. كەشكە جۇسىپبەك ايماۋىتوۆ اتىنداعى مۋزىكالىق دراما تەاترىندا سوعىس تاقىرىبىنا ارنالعان «كۇتپەگەن كەزدەسۋ» اتتى قويىلىم وتەدى.
فاريدا بىقاي.
دەرەك, سۋرەت: egemen.kz